Burela, 5 de xaneiro de 2021. En Burela acaba de entrar en funcionamento unha estación medidora da calidade do aire, que foi instalada no centro da localidade, concretamente no patio da escola de música. O alcalde, Alfredo Llano, subliña que é importante desde o punto de vista medio ambiental e sinala que tamén se usará para divulgación nos centros educativos. Hoxe esa estación indica que a calidade do aire en Burela é moi boa.
O rexedor explica que “entrou en funcionamento unha estación medidora da calidade do aire, que se colocou no patio da escola de música de Burela. Foi instalada por Alcoa de acordo co Concello e para nós é importante porque mide a calidade do aire e detecta as partículas que poden ser nocivas ou non e serve para saber se hai que tomar algunha medida”.
Para Alfredo Llano “é unha cuestión necesaria medioambientalmente, para ver que se están facendo ben as cousas e para que poidamos ter a garantía e a confianza de que estamos nun sitio onde se pode respirar perfectamente”.
O alcalde de Burela sinala que “os datos que recolle esta estación vanse enviar á Xunta de Galicia para que sexa coñecedora deles tamén. E ademais eu quero darlle un contido educativo, para que poida ser aproveitada para coñecemento e divulgación nos colexios e nos institutos; pódese facer algunha visita ou charlas nos propios centros para explicar como funciona esta estación”.
Llano engade: “colocouse no centro do pobo, nun lugar que normalmente debe ser un bo indicador do aire que está circulando polo noso concello e para detectar se hai algunha partícula que puidera ser necesario atallala o antes posible. É unha caseta que ten dentro uns medidores, aparatos de moita calidade que detectan de forma continua e inmediata todo o que está ocorrendo no noso concello e cuestión de calidade do aire. Xa empezou a funcionar e os veciños de Burela deben saber que agora mesmo a calidade do aire que temos é moi boa”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
