Ribadeo, 18 de xaneiro de 2022. O concelleiro de Desenvolvemento Local, Pablo Vizoso, fai un balance positivo a satisfactorio da terceira edición da campaña da Pancha, a moeda local de Ribadeo, que se desenvolveu do 1 de setembro ao 31 de decembro pasado.
O edil ribadense dixo que “desde o equipo de goberno facemos un balance satisfactorio e positivo da pasada edición da Pancha, a nosa moeda local, campaña na que participaron 114 establecementos comerciais de Ribadeo. Esta terceira edición foi a máis longa en duración e presentou importantes novidades coma o PanchaPeto, o moedeiro dixital que se foi recargando ata un máximo de 280 Panchas por persoa e que a través dun código QR se ía actualizando cada vez que se facían os pagos. As Panchas estiveron ao alcance das veciñas e veciños de Ribadeo e tamén para os de calquera outro punto da xeografía comarcal, galega ou estatal, que puideron aproveitar as pontes festivas, as fins de semana ou as datas de Nadal para facer uso delas tanto no comercio como na hostalería locais”.
E engadiu: “este ano a campaña da Pancha deu un paso máis, dixitalizando todo o proceso de adquisición e de compra e simplificando todas as operacións de xustificación para os comerciantes. Deste xeito tanto para comprar as Panchas como para facer os cobros unicamente se precisaba un teléfono móbil”.
Vizoso Galdo sinalou que “estamos contentos co movemento comercial que se xerou en Ribadeo durante eses meses e sobre todo ao inicio do outono e en decembro, porque foron moitas as persoas que aproveitaron as Panchas para facer as súas compras da campaña escolar e de Nadal. Agora toca traballar para a vindeira edición nas posibles melloras a realizar co obxectivo de que a Pancha faga medrar a economía local, apoiando o comercio de proximidade, a hostalería e ao sector servizos de Ribadeo”.
O concelleiro de Desenvolvemento Local comentou que “as vendas totais ascenderon a case 400.000 euros aínda que o volume de negocio xerado é moi superior a estas cifras, polo movemento que rexistraron as nosas rúas comerciais ao longo de todo ese período de tempo. E por riba dos datos e da magnitudes, que son positivas, edicións coma esta última das Panchas poñen de manifesto o compromiso e a capacidade do Concello para poñer en marcha programas deste tipo como ferramentas de apoio real ao comercio local. Son medidas que poderían parecer máis propias de grandes cidades, pero está claro que en Ribadeo funcionan e incentivan o noso comercio e hostalaría”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
