Ribadeo, 3 de xaneiro de 2022. A Xunta e a sociedade deportiva Coto de Caza de Remourelle acordaron esta mañá colaborar na conservación, protección e defensa do medio ambiente. A directora xeral de Patrimonio Natural, Belén do Campo, e o presidente da asociación, José Antonio González, asinaron hoxe a acta de entrega e recepción do inmoble da antiga caseta de legoeiros localizada no lugar de Remourelle, parroquia da Arante, no concello de Ribadeo, en réxime de cesión de uso á devandita sociedade.
Este inmoble, que en décadas pasadas era empregado polas persoas encargadas do coidado e mantemento das estradas e camiños públicos, está situado na marxe da estrada LU-113. Hoxe atópase en desuso, polo que a Consellería de Medio Ambiente, Territorio e Vivenda —tras recibir a solicitude por parte da entidade— considerou positivo artellar esta colaboración, que se pecha coa cesión da edificación por un período de 30 anos.
Do Campo indicou que este legado permitirá asegurar a conservación e mantemento, e evitar o seu deterioro por falta de uso; e sobre todo será un punto de encontro desde o que traballar a prol da conservación e do mantemento do equilibrio natural.
Nese sentido, a sociedade de caza comprométese a asumir a execución de actuacións de acondicionamento necesarias para convertelo no local social da sociedade deportiva.
A directora xeral recordou que este inmoble será de uso exclusivo para o fomento e a práctica deportiva da caza e actividades relacionadas coa mesma, e gratuíto para os 140 socios que desenvolven a súa actividade nos concellos de Ribadeo e Barreiros.
Pola súa parte, José Antonio González agradeceu á Xunta a súa receptividade e colaboración ante a proposta realizada pola sociedade que preside xa que grazas a esta cesión poderá dispoñer dun novo lugar de encontro e reunión para os seus membros.
O voceiro do Grupo Municipal Popular de Ribadeo, Daniel Vega, participou tamén no acto e explicou que a sociedade da cazadores lle trasladara este petición ao Grupo Municipal Popular que considerou “moi conveniente esta proposta de cara á recuperación do noso patrimonio”. A Xunta respondeu positivamente á súa solicitude co primeiro paso de cara á recuperación deste espazo abandonado, “o proceso burocrático que remata coa cesión do local á asociación de cazadores. Quero agradecer, polo tanto, ás Consellerías de Facenda e de Medio Ambiente o seu traballo e implicación para que este proxecto sexa un realidade. O seguinte paso será xestionar orzamento para a súa rehabilitación”.
O Grupo Municipal Popular de Ribadeo comeza o ano como o remata: “traballando en beneficio de tódolos nosos veciños e, polo tanto, en beneficio do noso pobo”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
