Foz, 25 de xaneiro de 2022. A Vicepresidencia primeira e Consellería de Presidencia, Xustiza e Turismo destina 1 millón de euros ao Plan de Sustentabilidade Turística da Mariña, que ten por obxectivo modernizar e adaptar este destino nos eixos da sustentabilidade e a dixitalización.
O delegado territorial de Lugo, Javier Arias, participou hoxe na presentación do proxecto, que se desenvolverá inicialmente ata o ano 2023 para acadar unha oferta máis innovadora e competitiva, baseada en accións respectuosas dende o punto de vista socioeconómico, medioambiental e territorial.
O Plan dispón de 2,3 millóns de euros de orzamento, dos que a Xunta e o Goberno central confinancian o 45% respectivamente -con 1 millón de euros en cada caso- e a Mancomunidade de Concellos da Mariña o 10% restante, isto é, 225.000 euros incluíndo unha achega da Deputación Provincial de 81.000 euros. Arias subliñou o feito de que “todas as administracións traballen unidas no obxectivo común de avanzar neste tipo de turismo tranquilo e de espazos abertos que tan ben define a esta comarca”.
A iniciativa consta de cinco eixos programáticos que engloban 18 liñas de actuación, orientados a mellorar a xestión de fluxos turísticos, impulsar a dixitalización de infraestruturas e servizos, desenvolver equipamentos e produtos seguros e singulares, diversificar a oferta, e promocionar o destino, todo elo para incrementar o nivel socioeconómico da comarca e frear a perda de poboación rural.
O delegado lembrou que a sustentabilidade é un eixe transversal do modelo turístico galego, tal e como se recolle no actual Plan Director 2021-2023 Galicia Destino Seguro, que guía o conxunto de investimentos da Xunta neste sector.
Así, lembrou que na Mariña tamén se financian actualmente actividades exitosas a través do convenio coa Mancomunidade de Municipios para a xestión do xeodestino, cun orzamento de 67.200 euros dos que o Goberno galego achega o 80%; entre elas, destacou as rutas de artesanía ou as audioguías.
Tamén destacou o impulso ao Camiño Norte, Patrimonio da Humanidade, que no 2021 empregaron o 5% dos peregrinos que chegaron a Santiago, o que supón case 10.000 certificacións.
Fondos Next Generation
Javier Arias subliñou que a Xunta segue a traballar na mellor xestión dos fondos europeos Next Generation, que permitirán destinar a Galicia máis de 39 millóns de euros para a reactivación do turismo neste Ano Santo, e que se suma ao orzamento que o Goberno galego está a destinar á celebración deste Xacobeo, materializando un investimento de 171 millóns de euros no Xacobeo 21-22
“Galicia volverá a estar de moda este ano, ao igual que o estivo o ano pasado, grazas ao esforzo do sector turístico e ao apoio da Xunta para contribuír á súa recuperación con máis de 120 millóns de euros en distintas liñas de axuda e medidas pioneiras”, afirmou. Medidas como o bono turístico, que permitiu inxectar liquidez mediante o consumo interno, ou o seguro coronavirus para ofrecer un plus de tranquilidade cubrindo os gastos derivados ante un caso de infección por covid.
Con todo isto, engadiu, “o Goberno galego espera mellorar os datos cuantitativos e cualitativos para consolidar Galicia como un destino de excelencia, rendible e sustentable aproveitando o tirón do Xacobeo e os proxectos financiados con fondos europeos Next Generation”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
