Viveiro, 19 de xaneiro de 2022. A Policía Local de Viveiro disporá este ano 2022 dun vehículo da DGT mediante unha cesión temporal, grazas á sinatura dun convenio de colaboración entre o Concello de Viveiro e a Xefatura Provincial de Tráfico de Lugo.
Así, os axentes de Policía Local contarán cun vehículo rotulado da ‘Dirección General de Tráfico’ e equipado para levar a cabo as labores de vixilancia e control da circulación de vehículos nas vías do municipio, sinalización e intervención en accidentes de tráfico, e tamén para a participación nas diferentes campañas que a DGT pon en marcha ao longo do ano.
Dando resposta ás demandas veciñais dun maior control da velocidade en determinadas vías de Viveiro, o vehículo contribuirá a mellorar a seguridade viaria no concello, tanto dos conductores como dos peóns.
A esta cesión tamén hai que engadir outros equipos, como é o caso dun cinemómetro Autovelox, outro Multanova, dun etilómetro de precisión ou evidencia e dun etilómetro dixital ou de aproximación.
A velocidade é un factor clave na seguridade viaria que, segundo os datos da DGT, a nivel estatal está presente no 23% dos accidentes mortais. En canto ao alcohol, o 25% das mortes en estradas europeas están relacionadas coa presenza de alcohol nos conductores.
A Policía Local de Viveiro levará a cabo, durante o ano 2022, diferentes controis policiais nas vías urbanas da súa competencia, coa finalidade principal da prevención, tanto de previr que personas que consumiran alcohol ou drogas circulen ó volante polas estradas, como de evitar os excesos de velocidade polas rúas do municipio.
A versatilidade do cinemómetro Autovelox, que tanto pode ser usado incorporado a un vehículo como nun trípode a pé de estrada, permite aos axentes establecer controis de velocidade naquelas rúas mais sensibles, tanto pola vulnerabilidade da maioría dos seus usuarios, como polas queixas recibidas pola cidadanía. Así é o caso de rúas de tráfico compartido por vehículos e peóns, zonas de paseos marítimos, áreas de influencia escolar, zonas 30 Km/h, etc.
O xefe da Policía Local de Viveiro destaca a importancia destes convenios de colaboración para mellorar a seguridade viaria, e pon en valor o compromiso adquirido tanto polo Concello, a través da súa alcaldesa, María Loureiro, como da Xefatura Provincial de Tráfico de Lugo, a través do seu Xefe Provincial.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
