A Mariña, 18 de xaneiro de 2022. A Mancomunidade de Concellos presentará en Fitur a entrada en vigor do Plan de Sustentabilidade Turística na Mariña Lucense 2022–2024. A entidade asiste ademais cunha axenda de contactos e reunións de traballo con turoperadores, empresas e medios de comunicación especializados no eido turístico.
O presidente da Mancomunidade, Fran Cajoto, sinala que “unha edición mais o xeodestino da Mariña Lucense estará presente na Feira Internacional de Turismo (Fitur) da man de Turismo de Galicia e presentaremos alí ante autoridades, prensa especializada, turoperadores e profesionais do sector turístico a entrada en vigor do Plan de Sustentabilidade Turística da Mariña Lucense 2022 – 2024”.
Cajoto subliña que “a participación na feira ten por obxectivo traballar na promoción e reactivación turística do destino para impulsar un sector que ten unha ampla marxe de crecemento e que constitúa unha fonte de emprego estable durante todo o ano. Os destinos nacionais gañan aínda mais peso dentro da oferta turística: temos que medrar e ser unha opción real non só na tempada estival, senón tamén fóra desta”.
A promoción do xeodestino terá lugar, por un lado, na presentación programada para o venres 21 ás 11:00 horas no stand de Turismo de Galicia baixo o título Plan de Sostenibilidad Turística en A Mariña Lucense 2022-2024. Neste acto intervirán o Presidente da Mancomunidade, Francisco Cajoto, acompañado da directora de Turismo, Nava Castro, e do presidente da Deputación de Lugo, José Tomé.
Durante a presentación proxectaranse distintas gráficas e un vídeo resumo do Plan de Sustentabilidade Turística na Mariña Lucense composto por 5 eixos programáticos, que á súa vez engloban 18 liñas de actuación cunha inversión total de 2,225 millóns de euros, que xorde do convenio asinado entre a Secretaría de Estado de Turismo, a Axencia de Turismo de Galicia e a Mancomunidade de Concellos da Mariña Lucense, e para o que a Deputación de Lugo apoiará ao ente supramunicipal e aos Concellos no 10,11% da achega que lles corresponde cunha aportación de 81.000 euros, financiando o 44,94% a SETUR e outro 44,94% a Axencia de Turismo de Galicia.
O presidente da Mancomunidade explica que “o PST é unha verdadeira oportunidade para establecer un marco estratéxico de traballo e afrontar con éxito o desenvolvemento turístico sostible na Mariña Lucense, ten por obxectivo principal promocionar un turismo respectuoso co territorio, poñendo en valor o seu patrimonio cultural e natural protexido para frear a perda demográfica especialmente nas áreas rurais dos distintos concellos, que garanta o desenvolvemento dun modelo rendible no tempo para un destino cunha visión do turismo a longo prazo”.
Así mesmo dende o mércores, 19 de xaneiro, o ente supramunicipal concertou reunións con operadores turísticos co obxectivo de presentarlles toda a variedade de recursos, produtos e servizos turísticos do xeodestino, coñecer os servizos que ofrecen na Mariña Lucense, ampliar a presenza nos seus programas e a inclusión do xeodestino entre a súa oferta, de ser o caso. Tamén se producirán reunións para coñecer casos de boas prácticas noutros destinos, empresas especializadas e tecnoloxías con posibilidade a aplicar no territorio.
As persoas que acudan a Fitur 2022 poderán atopar información turística sobre A Mariña Lucense e os distintos concellos no módulo provincial de Lugo no stand de Turismo de Galicia, sito no pavillón 9 do recinto feiral de Ifema.
O Feira Internacional de Turismo prolongarase ata o vindeiro domingo, día 23.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
