Ribadeo, 17 de xaneiro de 2022. Os días 29 e 30 de xaneiro arrinca en Ribadeo o novo plan de formación da Asociación de Profesores de Automoción de Galicia baseado na Aula Invertida. O presidente do colectivo, Álvaro Doural, considera que deste xeito o alumnado aproveita mellor o tempo e o nivel de coñecemento dos participantes será bastante maior.
Doural dixo que “o que se pretende con isto é cambiar totalmente o sistema para que a xente cando veña ás actividades presenciais faga prácticas soamente; e o resto deixase para realizar por vídeo conferencia e a través da plataforma de formación. É un cambio substancial con respecto ao que se estaba facendo, para o que hai ferramentas como os vídeos e a utilización de libros electrónicos, no que nós somos unha das entidades a nivel do estado español que empezamos a dar os primeiros pasos hai moitos anos xa. Entón utilizando todo isto creo que é unha formación moi atractiva para o alumnado, non só xente nova senón tamén maiores que están interesados en adquirir unha serie de coñecementos sobre determinados temas”.
O presidente de Apaga cre que “esta nova formación supón un cambio importante. Hoxe en día que, desgraciadamente temos uns niveis de fracaso escolar significativos e que a pouca xente lle preocupa, nós verdadeiramente estamos moi implicados e temos accións europeas nas que estamos traballando con outros países sobre a inclusión, sobre estes rapaces que están nasa casas sen formación porque abandonaron a ESO ou o Bacharelato e que non saben a onde ir. Nós estamos dispostos a botarlles unha man e creo que a aula invertida é unha ferramenta clave para que esta xente se anime, se ilusione e pensen que verdadeiramente eles valen moito e poden conseguir unha formación que lles permita conseguir un emprego”.
Álvaro Doural subliñou que “parte da formación poderana facer na súa casa a través desta plataforma que ten un foro de debate e para contestar preguntas. E van ter tamén na súa casa os materiais que vai utilizar o profesor, para o cal o libro electrónico é unha ferramenta clave porque incorpora desde presentacións en power point, vídeos, fotografías, exames, autoevaluables,… É un paso moi importante, sobre todo para xente que está cansada de determinados sistemas tradicionais e para a aquelas persoas ás que lles custa máis porque teñen problemas de aprendizaxe pois consideramos que agora mesmo non se están utilizando as ferramentas adecuadas”.
O presidente da Asociación de Profesores de Automoción de Galicia indicou que “esta iniciativa formativa arranca os días 29 e 30 deste mes cun curso de soldadura Mig Mag, que levábamos facendo polo método tradicional xa hai máis dun ano e que agora vai cambiar ao sistema de aula invertida”.
E engadiu que “supón un esforzo importante para nós facer estes cambios, pero creo que son necesarios e que a xente o vai agradecer. Non lles vai supoñer ningún custo adicional, vamos seguir mantendo as tarifas que había, pero cámbiase a forma para que a xente estea máis ilusionada, animada e disposta a colaborar; que chegue á actividade práctica e poida facer preguntas porque xa sabe de que vai o tema. Creo que con este sistema se aproveita moito mellor o tempo e o nivel de coñecemento dos participantes nos cursos vai ser bastante maior”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
