O caso da Maruxaina adquire unha nova dimensión. Á antiga denuncia de vídeos de mulleres ouriñando nas rúas na data da multitudinaria festa súmanse agora vídeos explícitos de parellas mantendo relacións sexuais na praia de San Cibrao esa mesma noite. As gravacións, de primeira calidade, fixéronse a escasos metros das parellas, utilizando cámaras de visión nocturna. Nalgún caso ata se pode ver como unha das persoas que estaba a gravar chega a tocar a perna dunha das mulleres. Os vídeos foron atopados en páxinas web porno, tal como ocorreu coas anteriores gravacións. A nova, lonxe de sorprender, deixa en evidencia o que para nós é máis que evidente: que as imaxes íntimas de mulleres expostas nas páxinas porno excitan non pola nudez destas mulleres, senón pola falla de consentimento. O sometemento, a violencia crúa, a sensación de superioridade na forza son as máximas dun porno ideado por e para os homes. O feito de que un dos que estaba a gravar se sentira co dereito de tocar o corpo dunha muller que non sabe o que está a pasar é o exemplo perfecto da morbosidade mal entendida. Hai quen non quere ver o machismo estrutural do porno, mais son homes maioritariamente os que ven páxinas porno. Cando negamos o dano que fai este porno estamos dilapidando os dereitos de miles de mulleres que, directa ou indirectamente, reciben violencia.
Dende o OMI denunciamos rotundamente estas gravacións e esiximos o dereito ao esquecemento en internet para as vítimas. Que os vídeos non sexan accesibles, que se persiga verdadeiramente a quen atenta contra a integridade destas persoas. Que a xustiza adquira unha perspectiva feminista máis que necesaria. Por parte da sociedade, empatía e anoxo a partes iguais. Precisamos dunha educación afectiva e sexual feminista, na cal o respecto á intimidade das persoas sexa un obxectivo claro. Amosamos todo o noso apoio e forza para as compañeiras que están a denunciar o roubo da súa integridade. Estamos con vós.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
