A política do PP en Galiza consiste basicamente en poñer a súa riqueza a disposición das grandes fortunas e corporacións. Feijóo, que será recordado por ser o mellor delegado comercial das compañías multinacionais que extraen e trasladan para fóra a riqueza e plusvalía que os galegos e galegas xeramos, permite aos concellos nos que goberna o PP unha especie de xogo de socialdemocracia cativa e tramposa co único obxectivo de atrapar os votos que logo utiliza para apoiar o espolio, neste caso da Mariña.
Cervo é o concello máis rico de Galiza… e de que nos serve?, en que se nota? As nosas infraestruturas, servizos, asistencia social, urbanismo, defensa das parroquias, iniciativas culturais, ecolóxicas, de promoción industrial… non se diferencian das de outras zonas con menos ingresos. En moitos casos, estamos peor. O abandono e desleixo é moi grande. Non obstante, o representante local do PP, o Sr. Villares, interpreta á perfección o papel que lle encomenda o seu partido: a simulación dunha falsa política social a través do repartimento de cartos públicos a comisións de festas e asociacións (en moitos casos, creadas ad hoc para recibir esas subvencións). Feijóo pode estar orgulloso de que en Cervo funcione de maneira eficaz a rede clientelar que lle encargan construír os seus amigos poderosos e adiñeirados, ese tramallo fácil de coser e que atrapa o voto que despois se utiliza en contra do pobo cervense e da Mariña.
A utilización dos cartos públicos en pequenas iniciativas sen coordinación é o método utilizado para captar votos sen ter que esforzarse en planificar un futuro máis próspero e xusto para o pobo cervense e mariñao. O resultado é un concello que, a pesar da súa riqueza, perde poboación e actividade industrial e comercial de maneira continuada. O único futuro para Cervo que nos ofrece o Sr, Villares é o que decida o gran capital ao que serve. Os plans para Cervo deséñanos as grandes empresas privadas extractivas de enerxía, forestais, sanitarias… A única iniciativa pública na que se esforza o noso alcalde é na de arrecadar votos.
Esta situación non é nova, a inacción é marca da casa do concello de Cervo desde hai moitos anos, pero agora que o futuro da Mariña vira negro é cando máis se necesita que os que representamos a vontade popular, en maioría ou minoría, creemos e esixamos solucións valentes que só poden vir da intervención pública, da utilización intelixente e produtiva dos cartos públicos para defender a riqueza industrial da Mariña. É asombrosa a hipocrisía dos que utilizan os apoios e votos acadados para botar abaixo as propostas que necesitan Cervo e A Mariña. Primeiro malvenderon Inespal e agora non apoian a intervención de Alcoa. Esa é a única política que coñecen: tramallo de votos a cambio de favores e posta a disposición da nosa riqueza en mans do gran capital. Todo adornado con declaracións falaces e un aparato de comunicación ben engraxado cos cartos de todos.
Pediríalle ao Sr. Villares que rectificase e apoiase as iniciativas que realmente necesitan Cervo e A Mariña, pero iso significaría a súa saída do PP (ao que só lle importa Madrid), hipótese imposible: estase moi cómodo aí, non hai que esforzarse, só falar mal de vez en cando do BNG.
Diego Fernández Martínez
Portavoz Municipal do BNG en Cervo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
