En “Apalpadoriños” damos cita a un formidable elenco artístico formado por 11 artistas, entre músicos, actores, actrices e bailaríns, de cara a dar un novo pulo e adaptación COVID á máis especial montaxe temática de Nadal destinada a toda a familia.
O acordeonista Álvaro Cardalda, o gaiteiro Iago Prieto, o percusionista e cantareiro Xan Pérez e o multiinstrumentista Nelson Quinteiro farán a banda sonora en directo para os espectáculos aos que se suman os bailaríns Iván Villar, Yohel Santos, María Cordeiro, Manu Albariñas, Laura Casas, o actor e clown Iván Davila, a actriz Adela Bértolo e a artista plastica Marta Quinteiro Villar.
Un elenco multidisciplinar, de moitísimo talento e titulación e que de seguro fará as delicias do público infantil
Un dos atractivos fundamentais do espectáculo reside na posta en escena de dous títeres xigantes de tres metros de alto proxectados en co-producción coa Compañía de Títeres Errantes de Burgos, cos que Nelson Quinteiro entrou en contacto no Festival TRAN TRAN de Paiasos de Fuerteventura 2017 .
Dúas figuras agarimosas que representar ao mítico carboeiro do Courel e mais á súa dona, a Apalpadora.
Os Apalpadoiros non poderían ter outra banda sonora máis axeitada que a música tradicional e popular galega, polo que ofrecemos un animado combo ao vivo formado por gaita, acordeón, ukelele e percusión en forma de animadas ruadas, pasodobles, muiñeiras e xotas regadas cunha chea de panxoliñas.
Álvaro Cardalda (acordeón), Iago Prieto (gaita e pitos), Xan Pérez (percusión e voces) e Nelson Quinteiro (voz, pandeireta, caixón flamenco e ukelele) fan a banda sonora do espectáculo.
Os “Apalpadoriños” veñen a ser algo así como os tradicionais trasnos domésticos que recolle a tradición oral galega a través dos contos e dos relatos, non se nos ocorre mellor forma de concibilos que a través da danza tradicional e popular galega, dándolle unha volta de parafuso e enriquecéndoa co particular linguaxe dos coreógrafos Iván Villar e Nelson Quinteiro, nun laboratorio de movementos e coreográfico para facer danza escénica galega. O corpo de baile estará formado polos propios Villar e Quinteiro, así como polos bailaríns Yohel Santos, Laura Casás e María Cordeiro, membros habituais dos cabarés de Nelson Quinteiro.
Na súa versión escénica, a montaxe toma formato de espectáculo de variedades para ofrecer unha unha peculiar viaxe pola Galicia imaxinaria, na que dous simpáticos elfos interpretados por Adela Bértolo e Iván Davila serán os presentadores dun magazine emitido dende o Courel con música en directo, cancións, coreografías, entrevistas ou incluso deslocalización a varios puntos da xeografía galega!
Esta actividade chega ao Valadouro da man da concellería de cultura nun intendo de redescubrir e promocionar o Nadal tradicional galego.
A cita no Valadouro, o 12 de decembro de 2021: Os Apalpadoriños