Burela, 9 de decembro de 2021. O voceiro do Grupo Municipal do PP de Burela, Manuel Rouco, considera que “o alcalde despreza aos técnicos municipais”. Así o entende porque “a pesar de que o Concello dispón dun secretario, un interventor e unha arquitecta técnica, encarga un informe externo para facer unha ordenanza”.
O popular sinala que “no resto de concellos é habitual que os técnicos municipais realicen este tipo de tarefas”. Engade, ademais, que “resulta curioso que este informe externo se lle encargue á única empresa que está a facer informes externos ao Concello de Burela nos últimos seis anos”.
Rouco cre que “sería bo que o señor Llano se dignara a explicarnos cales son os motivos polos que tódolos informes externos foron encargados a esta única empresa”. É o caso dos informes para a adxudicación do contrato da recollida do lixo tanto cando se adxudicou a GESECO coma no último caso que foi adxudicado a Urbaser, entre outros moitos coma o informe no que o goberno de Llano trataba de explicar a subida da taxas disparatada no noso Concello”.
O voceiro popular apunta que “nos 15 conceptos que pretendía regular a nova ordenanza os incrementos ían dende o 6 ata case o 700%.
Concretamente, no sector da hostalería, o incremento chegaba a alcanzar o 85% no caso das terrazas. Para a colocación de andamiaxes para a reparación das fachas o incremento era do 11% e así en moitos outros casos”. Condena Rouco esta proposta do goberno local tendo en conta “o contexto de crise galopante en Burela”.
O goberno local non axuda en nada ao sector comercial e hostaleiro
“Dende o PP xa hai tempo que asumimos que o alcalde e o seu goberno non van axudar en nada ao sector comercial e hostaleiro da vila, pero o que non podemos entender é que pretenda asfixialo co incremento inxustificado das taxas”, incide.
Rouco advirte que “co custe deste informe, algo máis de 3.600 euros podíase adxudicar, por exemplo, algunha axuda que tratase de mitigar as penurias que están a padecer os comerciantes e hostaleiros da nosa vila por mor da indolencia do goberno do señor Llano en lugar de incrementarlles as taxas municipais”.
“En lugar disto, o señor Llano prefire dilapidar os cartos de tódolos veciños da nosa vila en informes externos que ben poderían ser elaborados polos técnicos municipais”, engade.
Rouco sinala tamén que “no medio de todo isto, chama poderosamente a atención que o BNG no último pleno criticara e non apoiara a ambiciosa reforma fiscal proposta polo Grupo Municipal Popular e, sen embargo, non dedicara nin un só minuto das súas intervencións a cuestionar o incremento salvaxe que pretendía facer o señor Llano coas taxas municipais”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
