Burela, 3 de decembro de 2021. A esquerda, en canta ocasión ten, trata de incrementar a carga impositiva, con claro prexuízo para a economía dos contribuíntes. Na máis recente sesión plenaria, o goberno de Burela intentou unha suba de tributos verdadeiramente disparatada; a rotunda oposición do PP conseguiu evitar este novo despropósito do goberno presidido polo alcalde Llano.
O portavoz popular, Manuel Rouco, explica: “No pleno deste xoves os veciños e veciñas e os hostaleiros de Burela puideron ver ben ás claras posturas diametralmente opostas do grupo municipal popular de Burela e do goberno local”. Os membros do grupo municipal do PP intentaron aliviar a carga impositiva mediante unha ambiciosa rebaixa fiscal , que pivotaba en doce puntos clave, para a reactivación da economía de Burela. Incluía alivios na carga impositiva, como no IBI de urbana, no que se pretendía unha rebaixa dun 10% ou na rebaixa da recollida do lixo, para o que se solicitaba a rebaixa do 19%, que posibilita na actualidade Sogama. Pola contra, o grupo de goberno pretendía sacar para adiante unha nova ordenanza fiscal, que trataba de incrementar as taxas nalgúns casos preto do 700%.
Rouco di tamén: “Dous exemplos disto que dicimos son os incrementos que recollía a nova ordenanza do señor Llano para as terrazas que ían dende un 50% para ás das vías clasificadas como de tipo dous, ata case un 85% para as vías de tipo un; a relativa a andamios rozaba o 11%. A oposición frontal dende o primeiro momento a esta suba que pretendía facer o alcalde da carga fiscal que soportamos no noso municipio posibilitou que o taxazo que pretendía o señor Llano non saíra para adiante”.
Os populares lamentan que fora rexeitada a súa moción que recollía unha batería de medidas para a reactivación da economía do concello. Indican que a súa proposta non foi aprobada “debido á oposición do PSOE do señor Llano e tamén debido á posición do BNG, do señor Pillado, que non viron con moi bos ollos a rebaixa fiscal proposta polo PP”.
No PP destacan, noutro orde de cosas, “que tanto PSOE como BNG non quixeron que un dos emblemas máis significativos da nosa vila, simbolizado nos moldes empregados para a construción do faro, fora integrado total ou parcialmente no proxecto de acondicionamento da rotonda da entrada de Burela vindo de Foz”.
Rouco sinala: “Llano, un alcalde máis preocupado, en ocasións, por atender ao seu móbil que no descorrer da sesión plenaria, foi incapaz de poñer orde nas continuas interrupcións propiciadas polos concelleiros de BNG e polo seu tenente de alcalde, Ramiro Fernández; todas elas casualmente cando tiña que intervir algún membro do grupo municipal popular. Estas son as irrespectuosas formas e a falta de decoro que teñen parte dos representantes políticos do noso municipio. Esperemos que a veciñanza de Burela vaia tomando boa nota de todo isto”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
