A Fonsagrada, 1 de decembro de 2021. O voceiro do Grupo Municipal do PP de A Fonsagrada, José Regueiro, critica “a nula vontade” do goberno local para axudar ás asociacións a asumir a titularidade das escolas rurais. O popular fai esta valoración, logo de que o Concello aprobase un inventario de inmobles municipais sen ter en conta os intereses dos veciños das parroquias nas que se atopan estes centros, que foron construídos coa colaboración e aportación cidadá.
Precisamente, esta decisión “unilateral” dos dirixentes locais está a causar malestar entre a veciñanza, pois, segundo expón Regueiro, “moitas destas escolas están en pé grazas a que veciños cederon terreos, aportaron material, etc”. Por tanto, considera que “o mínimo” sería chegar a un acordo con eles para crear o impulsar algunha asociación que puidera asumir a titularidade destes inmobles. “O lóxico e o que os veciños demandan é que os que deben xestionar e ser titulares destas escolas sexan eles e non o Concello”, insiste.
José Regueiro convida ao goberno local “a que reflexione” e “non darlle ás costas aos veciños”. “É unha obriga moral e política. Estas escolas fixeron e fan un excelente servizo. Moitas xeracións se formaron nelas, sobre todo, nun tempo no que o acceso á ensinanza estaba máis complicado”. Por iso, dende o PP “defendemos que o Concello dea marcha atrás e se reconsidere esta cuestión”. “O que debería facer o goberno local é poñer a disposición das asociacións de veciños todos os medios necesarios para a súa restauración”, manifesta.
Estas escolas sitúanse en 26 parroquias. Son as seguintes: Maderne, Freixo, Carballido, Pobra de Burón, O Trobo, Pacios de Mourisco, A Bastida, Neiro, O Padrón, Bruicedo, San Pedro do Río, Vilabol, Fonfría, Veiga de Logares, Paradavella, Vieiro, Piñeira, Monteseiro, San Martín de Suarna, Vilar de Cuíña, Lamas de Campos, Arroxo, Lamas de Moreira, A Trapa, Allonca e Cereixido.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
