Ribadeo, 1 de decembro 2021. O Grupo Municipal Popular lamenta que “o BNG di que non á cesión por parte do Concello á Xunta dos terreos necesarios para a construción do novo centro de saúde de Ribadeo”. O goberno local votou en contra no pleno deste martes da proposta dos populares que reivindican esa cesión dos terreos para facer posible o novo centro de saúde que “defendemos todos os veciños e tamén os médicos” e que inclúe o incremento da carteira de servizos e a incorporación do 061 no mesmo espazo, segundo o proxecto da Xunta.
O voceiro, Daniel Vega, explica que “o Grupo Municipal Popular vai seguir defendendo a sanidade pública e o centro de saúde necesario para Ribadeo”. Pola contra, considera que “o BNG só defende a sanidade pública como unha estratexia electoral, única e exclusivamente cando agarran unha pancarta. Cando teñen que demostralo traballando din que non”.
Os populares reivindicaron tamén outros asuntos e puxeron o acento, unha vez máis, no que consideran unha “falta de xestión por parte do goberno do BNG”. Un exemplo disto son as facturas e subvencións pendentes de pago que continúan a levar aos plenos. “Chamábannos mentirosos e agora aparecen facturas nos caixóns”. Concretamente, neste último pleno aprobáronse facturas do 2020. Isto supón “un desprezo absoluto ás empresas que fan algún tipo de traballo ou servizo para o Concello”, segundo considera Vega.
“Tamén hai un abandono por completo ás distintas entidades deportivas e culturais que o único recurso que teñen son as subvencións da Xunta e do Concello”. Neste último caso, o popular denuncia que “hai un atraso no pago desas subvencións”.
O portavoz popular advirte tamén do abandono aos veciños por parte do goberno local. “Retíranse 50.000 euros do presuposto para mellorar o saneamento da rúa Río do Amalló e agora non sabemos o que se vai facer porque a resposta do alcalde foi que non estaba entre as súas prioridades arranxar esta rúa. Gustaríanos que llelo explique aos veciños”. E engade: “nós sempre estaremos do seu lado”.
O Grupo Municipal Popular tamén reivindicou no pleno “unha solución urxente ao alumeado público: ten que funcionar en todo Ribadeo. Non pode ser que estean as rúas apagadas, unha situación que repercute negativamente na hostalería, no comercio e que prexudica aos veciños e á imaxe do pobo de Ribadeo. Os veciños non teñen porque pasear por rúas a escuras. Todos pagamos os nosos impostos”, subliña.
Sobre as estradas da vila e do rural, os populares demandan “unha planificación para o seu arranxo. Non pode ser que se arranxe hoxe un bache aquí e mañá outro aló”. Isto demostra “unha falta de planificación dun goberno que non traballa no día a día”.
Outro exemplo desta “falta de traballo” son os vertedoiros incontrolados, “unha realidade en moitas parroquias. E, aínda por riba, non hai contedores para a recollida selectiva e poder reciclar. No rural non hai contedores nin de vidro, nin de cartón, nin moito menos para recoller o aceite usado. O goberno local non está a aplicar unha política medioambiental seria como a que todos recordamos de tempos pasados. O goberno do BNG di que vai facer, pero nunca concreta medidas.
O Grupo Municipal Popular reivindica unha política medioambiental de limpeza que na vila é mala e no rural, un desastre”, segundo indica Vega. Sobre a limpeza dos edificios públicos que os populares levan tempo reclamando, o portavoz pon outro exemplo: a existencia de excrementos de gatos no Cine Teatro de Ribadeo debido á falta de limpeza”.
O non ao Grupo Municipal Popular
Vega explica que “con este pleno demóstrase que cada proposta que realizamos recibe un voto negativo. A cada xestión que queremos facer, un insulto a este Grupo Municipal”. Aínda así, sinala que “imos seguir traballando, defendendo a todos os veciños e xestionando orzamento para Ribadeo”. E, polo tanto, “tamén lle esiximos ao goberno do BNG, que vai constantemente a rebufo, que se poña a traballar dunha vez por todas”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
