Viveiro, 21 de decembro, 2021. Desde o BNG de Viveiro realizouse un acto simbólico, aplicando malla de arame sobre a superficie do paseo fluvial do Landro que une Viveiro con Portochao. Deste xeito, a formación nacionalista quixo reivindicar unha obra necesaria e moi sinxela que redundaría na saúde traumatolóxica de toda a veciñanza. Así, comprobouse “a pé de obra” que a solución non semella demasiado complicada para os beneficios que reportaría.
As madeiras do chan nas zonas de máis humidade deste paseo convértense en verdadeiras pistas de patinaxe, sendo numerosas as veciñas e veciños que caeron e mesmo que tiveron que ser trasladadas ao hospital con lesións e roturas de diferente gravidade. Se isto o trasladamos ás persoas de idade avanzada, pon máis en valor a necesidade de actuar para prever estas caídas.
Santi Chao, responsábel de Organización do BNG de Viveiro, destaca o baixo importe que suporía mellorar a seguridade desta zona, pois que o custo desta malla é de menos de 1 €/m2, incidindo en que “non é un problema económico, o investimento é mínimo e permitiría a utilización deste fermoso e agradábel paseo durante todo o ano.”
A portavoz do BNG, Míriam Bermúdez, afirmou que é “unha problemática que xa se deu noutros moitos concellos con pasarelas deste tipo e que se resolveron con malla metálica, rematando co perigo de forma eficaz e permanente.” Tamén recordou que “xa vai máis dun ano desde que denunciamos esta situación, mais parece ser que María Loureiro e Suso Fernández están máis cómodas mirando cara outro lado.”
Non é a primeria vez que o BNG demandaba melloras no paseo do Landro, Seve Salgueiro membro do BNG de Viveiro, recorda que “xa en 2017 nos preocupábamos pola posta en valor desa zona reclamando un mellor mantemento e conservación do paseo e unha mellora da contorna medioambiental, propoñendo identificar as especies invasoras como eucaliptos e plumachos, tomando medidas para a sua eliminación progresiva e recuperando especies propias da ribeira. Seve Salgueiro asegura que “con planificación e traballo, pódese mellorar a contorna, especialmente tendo en conta que está incluída na Rede Natura 2000 polo que é posíbel acadar fondos económicos europeos e así poder desfrutar dun paseo envexábel para o desfrute da veciñanza e visitantes”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
