Santiago de Compostela, 14 de decembro 2021. A portavoz de pesca do BNG, Rosana Pérez cualifica de “novo fiasco” para a flota galega as cotas negociadas en Europa e advirte que continúan pendentes as negociación co Reino Unido das que con toda probabilidade, afirma “tamén sairemos mal parados”.
A nacionalista recalca que o acordo dos ministros de pesca da Unión Europa representa a “falta de importancia de Galiza” para a U.E” e explica que a especie de maior valor para a flota galega “a pescada” foi recortada por terceiro ano consecutivo. Sen embargo, critica que e esta redución sexa valorada polo ministerio español, como “un éxito e magnifico resultado”. Por outra parte, a propia conselleira do Mar, Rosa Quintana afirmaba onte mesmo que Galiza non aceptaría nada que modificara o TAC e agora comprobamos que haberá unha redución desta especie nun 8%. Ademais, engade a nacionalista, o linguado terá unha cota de redución do 5% e a cigala, da Zona 8 fronte a Galiza permanece pechada. As novas cotas só avanzan no xurelo que fronte a proposta da comisión para unha redución do 18% finalmente incrementase nun 12% dende Fisterra ao Golfo de Cádiz como recomendaban os espertos.
Mercadeo político que prexudica gravemente a Galiza
En opinión da deputada do BNG, “a fixación dos TACs responden ao mercadeo político” e non a outro tipo de criterios, de aí, recalca que non entendamos que o xurelo aumente un 12% e a pescada sexa recortada nun 8%. Que intereses priman para chegar a estes resultados?
Dende o BNG consideramos que as negociacións anuais das cotas pesqueiras “son unha feira” onde non prima a viabilidade da flota e os postos de traballo “véndense cada vez máis baratos”.
A deputada indicou que, unha vez máis, Galiza sae prexudicada no reparto de cotas e advertiu que continúan pendentes as negociacións da U.E con Reino Unido de especies nas augas británicas, fundamentalmente no Gran Sol. Rosana Pérez e mostrou o seu temor a que de novo, nestas negociacións “a flota galega saia mal parada”.
Rosana Pérez volveu a reivindicar a declaración e recoñecemento de Galiza como “país altamente dependente da pesca” e a “revisión do principio de estabilidade”, que tanto nos está prexudicando dende os anos 80.
Asemade reclamou “capacidade directa” de Galiza para negociar os aspectos máis relevantes en materia pesqueira para frear negociacións que representan unha “ grave eiva” para o sector galego.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
