Ribadeo, 31 de decembro de 2021. O alcalde, Fernando Suárez, asegura que o orzamento do vindeiro ano contempla moitas actuacións tanto para a mocidade como para a xente maior. E agarda que no 2022 a sociedade se poida liberar do Covid19 e así organizar e gozar de eventos como as festas da patroa e o Ribadeo Indiano.
Na súa tradicional felicitación de fin de ano o rexedor ribadense sinala: “benqueridos amigos, amigas, veciños e veciñas deste Concello en particular e ao resto que non sendo de Ribadeo, sempre nos tedes nun lugar destacado no voso corazón. Chegamos hoxe ao final deste convulso e histórico ano 2021. Empezámolo coa ilusión de que a ciencia e as vacinas nos poñerían remedio a esta desgraza que significou o Covid, e rematámolo como se estivésemos nunha montaña rusa da que non damos saído”.
Suárez Barcia amósase esperanzado: “pero estou seguro que imos saír adiante mais cedo que tarde. Sexa coas vacinacións para os segmentos máis novos de poboación, ou para o reforzo do resto dos que xa as temos e desde logo no ano que entra necesitamos liberarnos desta pandemia, porque temos moito que facer como sociedade”.
E engade: “e como goberno municipal tamén. Acabamos de aprobar o orzamento do Concello para o ano que vén que contempla moitas, moitas, actuacións, tanto na vila como nas parroquias. Tanto para mocidade, como para a xente maior. Tanto en infraestruturas públicas como en política social, cultural ou medioambiental. E confiamos tamén nas outras administracións para que se lembren de nós neste novo ano 2022: a Deputación que sempre o fai, a Xunta que a ver se o fai verdadeiramente e o Estado porque temos grandes proxectos de comarca que requiren tamén do seu compromiso. Confíamos en que así sexa”.
O alcalde subliña que “Ribadeo é un exemplo para ben en moitas cousas e temos a determinación de que o siga a ser no vindeiro ano. Aínda que agora aínda haxa nubes e ameace treboada, sabemos que vai escampar e sabemos queremos volver vernos, volver consumir na hostalaría, volver celebrar as festas da patroa, volver celebrar o Ribadeo Indiano. En fin, unha manchea de cousas que Ribadeo quere ofrecer ao mundo neste ano 2022. Así que desexámosvos, eu como alcalde, como goberno municipal e como Corporación en xeral, que teñades un bo remate de ano e sobre todo un feliz e próspero 2022. Un bico e unha aperta para todas e todos. Saúde e terra”.
Podes ver aquí o vídeo
https://www.facebook.com/1353549409/posts/10221961511050895/?d=n
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
