Mondoñedo, 14 de decembro, 2021. Tras terse celebrado o XIV Concurso de Tapas Cidade de Mondoñedo, organizado pola ACIAM de Mondoñedo, os días 26, 27 e 28 de novembro de 2021, veñen de entregarse os premios ás mellores tapas do concurso.
Así mesmo, tamén tivo lugar o sorteo, entre as votacións do público, dos agasallos consistentes en entradas para a cova do Rei Cintolo, lotes de viño e unha estancia nun establecemento de hostalería mindoniense.
Ao acto asistiron D. Manuel Ángel Otero Legide, Alcalde-Presidente do Concello de Mondoñedo, D. José Francisco Real, Presidente da Asociación de Hostalería de Lugo, e D. Ángel Marful Castañal, en representación da ACIAM de Mondoñedo. Ao mesmo tamén asistiron representantes dos diversos establecementos de hostalería participantes aos que se entregaron diplomas de participación.
No relativo ás tapas, as categorías establecidas e os locais premiados foron os seguintes:
. Para a categoría de “Mellor tapa tradicional” o premio recaeu en O Bodegón A Catedral denominada “Cousas do Bodegón”
. Para a categoría de “Mellor tapa creativa” o premio recaeu en O Palique denominada “Vaille Dando”
. Para a categoría de “Mellor tapa valorada polo público” o premio recaeu en O Bodegón a Catedral denominada “Cousas do Bodegón”
A todo eles fíxose entrega dun trofeo conmemorativo do premio gañado nesta edición do ano 2021.
No relativo aos agasallos para o público, o sorteo quedou do seguinte xeito:
1 lote de viño para Jacobo Cancela,
1 lote de viño para Ricardo Casabella
1 lote de viño para Laura Fraga
1 noite na hostalería mindoniense para Fina Palacios
2 entradas para a Cova do Rei Cintolo para Iván Gayón
2 entradas para a Cova do Rei Cintolo para Marta Otero
A ACIAM e o Concello de Mondoñedo agradecen a participación no evento tanto dos establecementos de hostalería como do público en xeral que fixeron que esta nova edición do tradicional concurso de tapas da cidade fose un éxito.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
