Lugo, 7 de decembro de 2021. A Rede Museística Provincial de Lugo preparou unha programación de Nadal para ofrecer a rapazada diferentes obradoiros e actividades vinculadas ás tradicións e hábitos destas datas. Desde este sábado e ata o vindeiro 6 de xaneiro, os catro museos desenvolverán unha variada axenda, con propostas que van desde ata a representación de pesebres ou a recreación da tradición de Cantos de Reis ata a elaboración de elementos decorativos de Nadal.
O programa e o formulario de inscrición nas distintas actividades está dispoñible na plataforma multicanle www.comunidadermpl.es.
MUSEO FORTALEZA SAN PAIO DE NARLA
A tradición é parte da nosa identidade e no Nadal imos seguir traballando para que o pasado estea máis presente ca nunca.
TEAS, TESOIRAS, IMAXINACIÓN…E ACCIÓN
Nestas datas imos poñer en valor a tradición do Nadal elaborando o decorado do evento que vai ser o colofón deste 2021, o PESEBRE VIVENTE.
Data: 11 de decembro
Idades: Todas as idades
Horario: De 12:00h a 14:00h
Lugar: Museo Fortaleza San Paio de Narla
VOCEANDO ALEGRÍA
Fermosas e tradicionais panxoliñas soarán nos muros da Fortaleza San Paio de Narla, sendo un ensaio da actuación que vai ter lugar o 23 de decembro.
Data: 18 de decembro
Idades: Todas as idades
Horario: De 12:00h a 14:00h
Lugar: Museo Fortaleza San Paio de Narla
PRESEBE VIVENTE
Representación en diferentes salas do noso museo do tradicional presebe, tendo como acto final a interpretación de panxoliñas.
Data: 23 de decembro
Idades: Todas as idades
Horario: De 16:00h a 18:00h
Lugar: Museo Fortaleza San Paio de Narla
CANTOS DE SEREA
Actividade incluída no programa “Unha aventura de mar e estrelas” na que mergullarémonos na maxia dos mares e os ceos.
Data: 29 de decembro
Idades: Todas as idades
Horario: De 17:00h a 18:00h
Lugar: Museo Fortaleza San Paio de Narla
CANTOS DE REIS
Cantos e sorrisos inundarán as rúas de Friol da man dxs nosxs pequeamigxs, encargados de recuperar unha tradición tan fermosa como os Cantos de Reis.
Data: 5 de xaneiro
Idades: Todas as idades
Horario: De 12:00h a 14:00h
Lugar: Museo Fortaleza San Paio de Narla
MUSEO PROVINCIAL DO MAR
CAMIÑOS DE ESTRELAS
Desde fai séculos e séculos as estrelas marcaron os camiños a seguir polos viaxeiros de terra e mar.
Cada época do ano, cada parte do planeta ten ás súas estrelas específicas, e nos ímonos encargar de buscar as que brillan no noso particular ceo.
Data: 29 de decembro.
Prazas: 10.
Horario: de 11:30 a 13:30 horas.
Lugar: Museo Provincial do Mar.
NOVO ANO, NOVO ALMANAQUE
Moitos foron os xeitos nos que a humanidade desde o principio dos días mediu o paso do tempo.
Investigar algún dos diversos almanaques que as diversas culturas usaron e usan será a nosa meta neste case derradeiro último día do ano.
Data: 30 de decembro.
Prazas: 10.
Horario: de 11:30 a 13:30 horas.
Lugar: Museo Provincial do Mar.
MUSEO PAZO DE TOR
A LUMINARIA EN TOR
Un obradoiro moi recorrente no Pazo de Tor porque entusiasma aos máis cativos, e máis por estas datas, cando a luz das candeas e quinqués gardan un significado moi especial, imposible sen as nosas amigas, as abellas, protagonistas deste Obradoiro. Achégate a descubrilo!
Data: 22 de decembro
Horario: 12:00h
Idades: Todas as idades
Lugar: Museo Pazo de Tor
AS POSTAIS, ULAS?
Hoxe, coas novas tecnoloxías e coa dixitalización, as veces, perversa da realidade física, mudou o xeito de nos relacionar e mesmo de transmitir afecto a parentes e seres queridos.
As postais de Nadal tiñan o noso selo, por aquilo que escribiamos no seu reverso. No Pazo de Tor iremos máis aló! Non só expresaremos o amor ou a nostalxia por algunha ausencia querida, tamén faremos a nosa propia postal coa técnica de gravado.
Data: xoves 23 de decembro Horario: 12:00h
Idades: Todas as idades
Lugar: Museo Pazo de Tor
OBSERVACIÓN ASTRONÓMICA
A maxia dos ceos observarase nun escenario idílico como o Pazo de Tor.
Data: martes 28 de decembro
Horario: de 19:00h a 20:00h
Idades: Todas as idades
Lugar: Museo Pazo de Tor
MUSEO PROVINCIAL DE LUGO
XOGO DE RETOS: COMO NOS VESTIMOS!
Coñeceremos a vestimenta das diferentes épocas históricas realizando unha xincana polas coleccións do museo. A través de distintos retos, xogos de pistas, mímica, etc… faremos un percorrido pola historia da moda desde a Prehistoria ata os nosos días.
Data: 23 de decembro
Horario: de 17:00h a 19:00h
Idades: de 6 a 12 anos
Lugar: Museo Provincial de Lugo
COÑECEMOS OS ODS PARA APLICALOS
Obradoiro cunha parte teórica onde coñeceremos os ODS para levalos a cabo na nosa vida diaria e outra parte práctica que consistirá en realizar unha planificación mensual, con materiais reciclados, para alcanzar os meus propósitos para contribuír a ter un planeta sostible.
Data: 27, 28 e 29 de decembro
Horario: de 10:30h a 13:00h
Idades: De 8 a 12 anos (máx. 6 nenos por día)
Lugar: Museo Provincial de Lugo
NADAL SOSTIBLE
Aproveitando que estamos no Nadal, onde se fan excesos no consumo de todo tipo de recursos, queremos reflexionar cas crianzas que veñan a esta actividade empregando a Axenda 2030 de Obxectivos de Desenrolo Sostible (ODS). Para así, intentar concienciar en facer un Nadal máis sostible para todxs.
Data: 29 de decembro
Horario: de 17:00h a 19:30h
Idades: Todas as idades
Lugar: Museo Provincial de Lugo
AVENTURA ARQUEOLÓXICA NO MUSEO Este Nadal vén a divertirte ao museo. Axúdanos a resolver os enigmas que se agochan tras as pezas de arqueoloxía. Atoparás antigos tesouros, labirintos e instrumentos misteriosos que irás descubrindo mentres percorres as nosas salas ata completar este reto. Atréveste a vivir esta aventura?
Data: 3 de xaneiro
Horario: de 17:00h a 19:00h
Idades: De 6 a 12 anos
Lugar: Museo Provincial de Lugo
DESCUBRINDO O CEO LUCENSE
Estrelas brillarán no interior do Museo Provincial de Lugo.
Data: 4 de xaneiro
Horario: de 17:00h a 18:30h
Idades: Todas as idades
Lugar: Museo Provincial de Lugo
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
