Lugo, 26 de novembro de 2021. O PSdeG na provincia de Lugo remarcou hoxe que os orzamentos do Estado sitúan á provincia de Lugo no mapa dos investimentos e da recuperación económica, trala súa tramitación no Congreso dos Deputados. En catro anos de Goberno de Pedro Sánchez (2019-2022), Galicia recibirá un 27,1% máis de recursos que no últimos catro anos de Rajoy (2014-2017). Así o valorou hoxe a Secretaria Provincial e Deputada Autonómica, Patricia Otero xunto aos deputados no Congreso, Ana Prieto e Javier Cerqueiro e o senador César Mogo.
Os socialistas sinalan que “estas contas son unha ferramenta fundamental para fortalecer o Estado de Benestar e os servizos públicos que resultaron indispensables durante a pandemia de COVID-19. Por iso, recollen o gasto social máis alto da historia con 240.375 millóns de euros. Recursos que permiten destinar un financiamento récord a pensións, bolsas, sanidade, dependencia ou loita contra a pobreza infantil”.
Mais polo miúdo e atendendo ás partidas para a provincia de Lugo, dende o PSdeG destacan os investimentos en infraestruturas “que sitúan á provincia como a segunda provincia con máis investimento previsto nos Presupostos do Estado para 2022. Concretamente medra un 169,8% respecto a este ano, xa que a provincia disporá de investimento de 298,12 millóns de euros fundamentalmente para a modernización no ferrocarril. Son 187,61 millóns de euros máís que no Presuposto Xeral do Estado do 2021. Antes non aparecíamos no mapa, e agora somo os protagonistas. Estes dias comprobámolo coa posta en marcha do AVE, un fito histórico para as galegas e galegos”, salientan.
Escudo social
Ademais explican que os PXE están enfocados para dar resposta á emerxencia sanitaria, social e económica provocada pola pandemia. “Por iso nestes intres dedica 734 millóns de euros ao escudo social que protexe ás familias lucenses, aos seus autónomos, ás súas empresas e as persoas”. Os PXE 2022 contemplan o maior gasto social da historia, que blinda o noso Estado do Benestar, “o importe alcanza os 248.391 millóns se suman aos fondos europeos. Polo tanto, acadamos máis recursos para sanidade, educación e dependencia”. No que se refire a este apartado, “a atención á dependencia aumenta, xa que medra un 23,3% acadando o seu nivel máis alto na historia, mellorando as prestacións e ampliando o número de beneficiarios atendidos. Con estas cifras, os usuarios atendidos en Galicia poderán superar as 71.000 persoas grazas á transferencia de máis de 190 millóns para o nivel mínimo e acordado”, sinalan.
No que se refire ao capitulo de Sanidade “son un montante total de 6.606 millóns de euros para reforzar e fortalecer o Sistema Nacional de Saúde. Isto supón un 20,3% máis que nos PXE 2021, que beneficiará ás máis de 2.700.000 persoas que viven na nosa Comunidade. En particular, inclúese unha nova dotación por contía de 44 millóns de euros para a ampliación de servizos de saúde bucodental do SNS. Tamén se inclúen transferencias ás CCAA dentro do plan de saúde mental e COVID-19, dotado con 30 millóns de euros, así como fondos destinados ao marco estratéxico de atención primaria por un importe de 176 millóns de euros”.
No eido social, hai que destacar ademais a suba nun 3% do Ingreso Mínimo Vital beneficiará á máis de 36.000 persoas que o reciben en Galicia, e as máis de 5.000 persoas que a perciben na nosa provincia. Ademáis da partida adicada á loita contra a violencia machista, que aumenta en 29 millóns de euros máis con respecto aos PXE para 2021.
Os PXE tamén están centrados nos mozos e nas mozas, con partidas que suman 12.550 millóns de euros, case o dobre que no 2021. Os PXE apostan por mellorar as oportunidades e perspectivas de futuro dun dos colectivos máis prexudicados pola pandemia. “O capítulo de bolsas alcanza a cifra récord de 2.199 millóns a nivel nacional, podendo beneficiar a máis de 49.000 estudantes de Galicia. Como novidade, créanse as bolsas para aspirantes a xuíz, fiscal, avogado do Estado ou letrado da Administración de Xustiza”.
Pensións
No que se refire ás pensións, as contas do Estado garanten o poder adquisitivo dos nosos maiores e empregados públicos, “cumprindo co acordado cos axentes sociais”. A partida máis importante é a destinada a pensións, que se incrementará un 4,8% ata alcanzar os 171.165 millóns de euros. As pensións non contributivas increméntanse un 3%, que beneficiará a máis de 37.600 maiores da nosa Comunidade, e a máis de 5.000 maiores da provincia de Lugo, cun orzamento total de máis de 227 millóns de euros. Ademais, a revalorización dos 9,6 millóns de pensións contributivas fixarase na lei que se tramita actualmente no Congreso dos Deputados, establecéndose que aumentarán en función do IPC medio rexistrado en novembro. En Galicia, máis de 724.500 pensionistas beneficiaranse desta revalorización.
Investimentos na provincia
Os investimentos de Adif na provincia de Lugo inclúen unha partida de 15,81 millóns de euros para melloras na Rede de Ancho Métrico Ferrol-Vegadeo, 15,5 millóns de euros para a renovación da liña Monforte-Lugo, 89 millóns de euros nos corredores da RTE-T. Outros 5 millóns destínanse á Estación de Lugo e 2,81 millóns son para a renovación Monforte-Covas. O investimento real nas estradas do Estado na provincia é de 37,44 millóns de euros. Esta cifra supón un incremento do 44,1% respecto dos 25,99 millóns de euros do 2021. Para creación de novas infraestruturas destínanse 21,5 millóns e outros 10,3 millóns van destinados á conservación e explotación das xa existentes. No capítulo de obras destaca a consignación de 21 millóns de euros para a execución das obras da autovía de Lugo a Santiago de Compostela (A-54) no treito de Palas de Rei a Melide.
Ademais o Goberno destinará 9,33 millóns de euros para subvencionar o pago das primas dos seguros agrarios contratados polos agricultores da nosa Comunidade. Sen esquecer o impulso ao Xacobeo, no Camiño de Santiago ao paso por sete concellos da nosa provincia cun investimento de 3 millóns de euros.
Ata 45.514 familias e empresas de Lugo terán acceso a redes de 100 megas a través do Programa de Universalización de Infraestruturas Dixitais para a Cohesión. Ou a través do programa DUS-5000 do Ministerio para a Transición Ecolóxica, que ten como obxectivo financiar proxectos de enerxías limpas, unha medida incluída dentro dos concellos do reto demográfico para aproveitar a oportunidade, e na que Galicia ten preasignados 45 millóns de euros para conceder axudas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
