Santiago, 4 de novembro de 2021. O deputado do Grupo Popular Daniel Vega ofreceu hoxe no Parlamento galego ao presidente da Deputación de Lugo “un pacto pola provincia para incrementar un 25 por cento os fondos do Plan Único, pola mellora das infraestruturas da provincia, para seguir incrementando o solo industrial dispoñible bonificado e para aproveitar os fondos europeos de recuperación”. “Son catro oportunidades a favor do entendemento en beneficio da nosa provincia para que escolla entre gobernar de costas á provincia desde a sede do PSdeG ou aceptando consensos políticos co principal partido na provincia e en Galicia”, apuntou.
Daniel Vega comezou a súa intervención lamentando que o presidente da Deputación lucense “veña presentar unhas contas que o grupo maioritario do PP de Lugo non coñece, a pesar dos seus ofrecementos para traballar conxuntamente nestes orzamentos”.
En primeiro lugar, o deputado popular demandou que “cumpra o prometido e incremente un 25 por cento a achega da Deputación provincial ao Plan Único de Cooperación, tal e como se comprometeu en 2019 no propio acordo co entre PSdeG e BNG para gobernar a institución provincial”. Porén, lamentou que, “lonxe de incrementar a contía do Plan Único, a realidade é ben distinta, porque permanece conxelada desde 2017”.
CONTRATACIÓN ALTOS CARGOS SOCIALISTAS
“Vostede aínda confunde a Deputación de Lugo coa sede do PSdeG”, criticou o deputado popular, quen puxo como exemplo “a política de contratación de altos cargos socialistas na Deputación ou o reparto de fondos públicos a través de convenios discrecionais que distribúe a dedo”.
En concreto, explicou que dos 30 convenios asinados en 2021 por importe de 3,3 millóns de euros, 17 foron para concellos con alcaldías do PSdeG, 12 do BNG e só un foi cun concello do PPdeG, por importe de 50.000 euros e a pesar de que esta formación política goberna no 46 por cento dos concellos lucenses. “O PSdeG lévase o 65 por cento dos fondos, cando representa o 40 por cento dos concellos; o BNG, que representa o 5 por cento das alcaldías, lévase o 33 por cento dos fondos; e o PPdeG, con case a metade das alcaldías na provincia, só recibe o 2 por cento dos fondos repartidos pola Deputación de Lugo”, anotou.
Para rematar, Daniel Vega demandou “coherencia” ao presidente da Deputación de Lugo cando fala da xestión das residencias de maiores na provincia. “Presumen que son de xestión pública, pero os servizos fundamentais das mesmas están en mans de empresas privadas”, dixo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
