Ribadeo, 27 de novembro de 2021. A Consellería de Política Social achega actividades de ocio durante as fins de semana na Mariña a mozos e mozas de entre 14 e 30 anos a través do programa Outono Xove.
O delegado territorial da Xunta en Lugo, Javier Arias, visitou hoxe unha das quendas que se desenvolve no albergue da Devesa (Ribadeo), con participantes de 18 a 30 anos. O programa inclúe roteiros, xogos de escape room, obradoiros de creatividade, visitas a Cervo (Museo de Sargadelos, Museo do Mar de San Cibrao, Paseo dos Namorados e senda botánica de Sargadelos), descuberta fotográfica en Mondoñedo, observación astronómica e un raid mariñeiro, con actividades de xeolocalización e orientación na Praia das Catedrais (Ribadeo).
As estadías son de venres a domingo desde o mes de outubro e a última terá lugar a primeira fin de semana de decembro. Os mozos e mozas partipantes divídense en dous tramos de idade, un de 14 a 17 anos e outro de 18 a 30.
O Outono Xove é unha nova iniciativa da Xunta que inclúe oito programas diferentes repartidos por distintos concellos galegos, entre eles Portomarín, que acolle o programa Facendo Camiño no albergue Benigno Quiroga; e Lugo, onde a iniciativa Aventura lug 2.0 no LUG2 pon a tecnoloxía ao alcance da xuventude.
Cada quenda ofrece 20 prazas e as persoas interesadas en informarse e inscribirse poden facelo en liña a través da web de Xuventude da
Xunta, sempre que queden prazas dispoñibles.
O programa inclúe aloxamento en albergue xuvenil ou residencia de tempo libre, polo que se achega manutención completa desde a noite do venres ata o domingo pola mañá. A cota de participación será de 25 euros. Por ser membro de familia numerosa ou monoparental e por ser titular do Carné Xove, sempre e cando a tarxeta estea debidamente activada, aplicarase un desconto do 25% sobre o prezo.
O portavoz do Municipal de Ribadeo, Daniel Vega, participou na visita e valorou positivamente esta iniciativa da Xunta de Galicia, poñendo en valor que o campamento xuvenil da Devesa estea en funcionamento todo o ano. Ademais lembrou ao tecido asociativo ribadense que as instalacións están a súa disposición para a realización de actividades.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
