Lugo, 3 de novembro de 2021. A deputada de Medio Rural, Mar e Mocidade, Mónica Freire, trasladou a Elena Piñeiro os parabéns pola recente creación da Asociación de Asesores Rurais de Galicia, da que é presidenta.
Nun encontro no Pazo de San Marcos, a responsable provincial valorou a posta en marcha desta entidade, impulsada por profesionais de todo o país que, destacou, “desenvolven un traballo imprescindible na aplicación das políticas de desenvolvemento rural, servindo de nexo entre as persoas do rural e a administración”.
Mónica Freire avanzou que desde a área de Medio Rural se “colaborará activamente coa asociación que se puxo en marcha cun forte impulso por parte de profesionais vinculados á Escola Politécnica do Campus Terra, co obxectivo de apoiar o medio rural galgo no seu desenvolvemento integral e sostible, un obxectivo que compartimos plenamente”.
A deputada incidiu en que “o escenario que se abre coa reforma da PAC e a necesidade de afrontar os retos demográficos e ambientais fai máis necesario reforzar sinerxias entre todas as administracións e axentes vinculados ao sector agrogandeiro”.
A asociación, que se constituíu formalmente o pasado 6 de setembro, centrará a súa actividade na representación e formación das persoas asociadas creando espazos de traballo e debate, dando voz ao colectivo nos distintos foros sectoriais, organizando congresos, cursos e xornadas formativas, así como acompañando e apoiando a novas e novos asesores ou colaborando cos centros do sistema galego de I+D+i.
Este 5 de abril, como todos os sábados primeiros de mes, reclamaron unha vez máis unhas pensións dignas.
Celebrouse na carpa instalada na Praza dos Campos de San Cibrao.
Celébrase ao longo desta fin de semana no concello de Cospeito. Alí, destacou o papel deste evento á hora de potenciar e promocionar o sector agrogandeiro da contorna e, en definitiva, da comunidade.
Trátase dunha iniciativa organizada pola Asociación Camiña para reivindicar e dar visibilidade os dereitos das persoas con discapacidade, incluíndo o acceso a un lecer inclusivo e sen barreiras. A actividade terá un custo de 5€. A inscrición pode realizarse a través de:
Á presentación asistiron Antonio Paleo Riveira, presidente da Asociación Cruz de Loureiro que organiza a festa; o alcalde de Xove, Demetrio Salgueiro, e a concelleira de cultura Dolores Meitín.
Segismundo García, administrador, enviou a Inspección de Traballo e Seguridade Social unha carta na que lle comunica que, desde este mércores, procede ao peche da planta de Cervo, onde traballan uns 80 operarios. Faino días despois de que denunciase unha multa de 5.000 euros por 36 deficiencias detectadas.
Terá lugar o xoves 10 de abril, ás 19h, na Biblioteca Pública.
