Viveiro, 15 de novembro de 2021. A alcaldesa do Concello de Viveiro, María Loureiro, inaugurou esta tarde as ‘V Xornadas de Historia e Arqueoloxía Marítima Cidade de Viveiro’, que se celebran de forma online pola pandemia do coronavirus.
“Abrimos este evento coa satisfacción de ver como pouco a pouco, ano a ano, consolídase no calendario nacional e internacional da arqueoloxía marítima, unha especialidade que capta a atención de persoas e colectivos profesionais de todo o mundo”, asegurou Loureiro.
“Grazas á Federación Española de Actividades Subacuáticas (FEDAS) e a Antón López polo agarimo co que traballa na organización e coordinación das xornadas con este concello, á Confederación Mundial de Actividades Subacuáticas, a Deputación de Lugo e a UNED, por continuar apoiando a pesares das dificultades derivadas da pandemia”, engadiu.
María Loureiro quixo tamén recoñecer a “sensibilidade de todas as persoas involucradas na organización deste evento para suspender o programa do mércores, día 17, unha xornada de folga xeral na comarca que este concello apoiará para demandar un futuro industrial para A Mariña”.
“A nosa ría ten unha extraordinaria riqueza arqueolóxica que procede dos máis de corenta naufraxios documentados na zona, e nas xornadas deste ano haberá unha intervención sobre o pecio do Viveiro I, de actualidade polo descubrimento dun astrolabio náutico de bronce en perfecto estado de conversación”, apuntou.
En palabras da alcaldesa, “a nosa aposta pola importancia da arqueoloxía marítima non se queda na organización destas xornadas ou o apoio aos grupos de investigación, se non que traballamos para a creación dun centro de interpretación da ría e a nosa intención como concello é que o astrolabio do ‘Viveiro I’ permaneza en Viveiro”.
A marxe desta ponencia sobre o Viveiro I, o programa deste ano abarca varios proxectos e temáticas de ámbito nacional e internacional, como a conferencia desta tarde sobre ‘O naufraxio Ria de Aveiro’, en Portugal.
Nos próximos días chegará a quenda das ponencias sobre ‘O mar nos programas decorativos da Galicia romana’, ‘A Carta Arqueolóxica Subacuática de Tenerife’; ‘As tres vidas dun cañón de ferro’, e ‘O Anclote: un novo pecio do século II d. C. na Bahía de Algeciras’.
En definitiva, o obxectivo destas V Xornadas, como en edicións anteriores, é dar a coñecer unha parte moi importante da historia e o patrimonio subacuático a través de grandes expertos en arqueoloxía marítima.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
