Burela, 13 de novembro, 2021. Vista Alegre e Pescados Rubén Burela FS honraron a súa Loita pola Igualdade cunha festa de goles antes FSF Móstoles (7-0). As pupilas de Lucas demostraron o seu paso cara adiante en finalización sendo un exemplo de paciencia e insistencia na primeira parte. Tras o descanso, con 2-0, as Guerreiras fixeron gala goleadora diversificando o protagonismo, con hattrick de Ale de Paz, ante un rival minguado fisicamente que acusou demasiado a ausencia de Patri Chamorro.
Tras o aviso xa aos 15 segundos de Cami, Ale de Paz abriu a lata no minuto 2 para dar paso a un serial de ocasións na rede de Silvia. O segundo resistiuse unha e outra vez; tentouno Bea Mateos, máis tarde Dany, Peque tamén despregou as súas xenialidades… Por fin, as Guerreiras puideron celebrar a chegada do descanso ampliando distancias cun disparo cruzado de Cami, a falta de 34 segundos.
A paciencia laranxa desencadeou nun minuto de ouro para as de Lucas, no regreso ao parqué, no 23. Tras o 3-0 de Ale de Paz, Emilly atopou premio ante a porteira adiantada. Con máis de 16 minutos, Móstoles apostou por xogo de cinco. Silvia evitou o quinto ante Dany a pase de Ale de Paz. Chegando ao ecuador, a avalancha local completou a festa, co terceiro de Ale de Paz, Cilene e Elenita.
Ficha técnica
Pescados Rubén Burela FS: Sandra Buzón, Peque, Cami, Ale de Paz, Emilly, cinco inicial; tamén xogaron Bea Mateos, Cilene, Leti, Dany, Elena Aragón, Jozi, Irene Samper, Elenita, Lara Balseiro
FSF Móstoles: Silvia, Celia, Inma, Benete, Sara Santos, cinco inicial; tamén xogaron Rafinha, Lucía, Silvia Carral
Goles: 1-0, minuto 2, Ale de Paz; 2-0, minuto 20, Cami; 3-0, minuto 23, Ale de Paz; 4-0, minuto 23, Emilly; 5-0, minuto 30, Ale de Paz, 6-0, minuto 30, Cilene; 7-0, minuto 31, Elenita
Árbitros: Calleja Rubio // García Schmid. Por Móstoles amarela a Sara Santos (minuto 17).
Incidencias: Partido correspondente á xornada 7 de Primeira RFEF Feminina disputado en Vista Alegre e dedicado á Loita contra a Violencia de Xénero dentro do II Plan de Patrocinio de Equipos Femininos da Xunta de Galicia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
