Lugo, 19 de novembro de 2021. A Xunta de Goberno aprobou este venres a licitación dun contrato para o subministro de 1.600 toneladas de sal para a rede provincial de estradas por un importe de preto de 160.000€. Esta medida pretende dotar de fundentes os 12 silos que a Deputación de Lugo ten por toda a provincia para as campañas do 2022 ao 2024 co fin de afrontar as inclemencias propias do inverno, garantindo así a circulación e a seguridade nas vías.
A voceira socialista do Goberno provincial, Pilar García Porto, explicou que ademais de atender as estradas provinciais, a Deputación tamén facilita sal no inverno aos concellos que así o solicitan cando lles resulta necesario.
Respecto á rede viaria da institución, a Xunta de Goberno tamén licitou as obras de rehabilitación do firme dun novo tramo da LU-P-3202, que vai de Monforte a Currelos, no Saviñao, por máis de 250.000€. García Porto sinalou que con este investimento mellorarase o firme dos tres primeiros quilómetros, desde o inicio da vía ata case o comezo do corredor, aínda que o ámbito de actuación destes traballos comprende practicamente a totalidade da estrada, posto que hai que acometer cambios na sinalización. O prazo de execución das obras é de 9 meses.
A Deputada lembrou que a institución provincial “leva investidos xa máis de 400.000€ na rehabilitación desta estrada provincial, que é moi importante para o sur da provincia de Lugo ó tratarse dun traxecto moi utilizado polos veciños e veciñas dos municipios de Monforte e do Saviñao”.
Polígono da Fonsagrada e obras en Becerreá
A Xunta de Goberno adxudicou o contrato para a redacción do proxecto de execución do polígono industrial da Fonsagrada por importe de 35.000€. A adxudicataria dos traballos é a UTE Abante Meiriño e o prazo de execución dos traballos é de catro meses.
García Porto lembrou que a maiores desta achega para a redacción do proxecto, a Deputación de Lugo xa ten comprometidos outros preto de 600.000€ para acometer as obras do parque empresarial da Fonsagrada, “e cumprir así cunha demanda histórica do Concello, da veciñanza e do tecido produtivo do municipio”.
No apartado de obras, o Goberno provincial aprobou tamén a solicitude do Concello de Becerreá para destinar remanentes de actuacións do Plan Único deste ano a tres novas obras por un importe total de 20.000€. En concreto, a Deputación achegará máis de 11.600€ para mellorar o camiño de acceso ó núcleo de Paradeal, outros 2.000€ para a mellora da instalación do alumeado público en Sevane e máis de 5.200€ para o acondicionamento das beirarrúas da marxe esquerda da Rolda de Outeiro desde Eulogio Rosón.
Colaboración coa feira L de Lugo
Na reunión de hoxe, a Xunta de Goberno aprobou unha achega de 15.000€ á Asociación de Distribuidores de Hostalería e Alimentación de Lugo (ADIHS) para colaborar coa organización da primeira feira L de Lugo, que se celebrará a fin de semana do 27 e 28 de novembro no Pazo de Feiras, un evento no que a Deputación tamén contará cun expositor.
Recreación dunha vivenda castrexa
Pilar García Porto informou tamén dun convenio de colaboración coa Fundación Xosé Soto de Fión que aprobou a Xunta de Goberno, por importe de 96.000€ e que ten como finalidade financiar as obras de construción dunha vivenda como as da época castrexa no Pazo Ecomuseo de Arxeriz, no concello do Saviñao. Esta actuación, que terá lugar nunha das vivendas descubertas no castro anexo ó Pazo, suporá a ampliación do Ecomuseo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
