Cervo, 30 de novembro, 2021. A Asociación Saúde Mental A Mariña foi fundada en 1999 a instancias de cinco familias afectadas pola problemática da enfermidade mental crónica, que ante a escasez de recursos na zona da Mariña uniron as súas forzas para loitar por un obxectivo común: conseguir que ás persoas cunha enfermidade mental crónica e ás súas familias se lles preste unha axuda e asistencia na comunidade, fixando como obxectivo prioritario a súa rehabilitación psicosocial e laboral.
En Burela, sendo a poboación máis céntrica de A Mariña, atópase o Hospital Público da Mariña e a Unidade de Saúde Mental que dan cobertura a toda esta área; son numerosos os casos de enfermidade mental crónica que atenden a diario nas consultas polo que, desde un principio, animaron ás familias a por en marcha a Asociación prestando, dende entón e até a actualidade, todo o apoio necesario para sacar adiante este proxecto.
A enfermidade mental crónica sen un tratamento correcto é devastadora, afecta a cada aspecto da vida do paciente causando deterioro persoal, social, familiar e laboral. Insistir que afecta a individuos mozos, nun período crítico para o desenvolvemento persoal e profesional, obrigando en moitos casos a estes pacientes a abandonar a súa formación ou actividade laboral. Desta forma, implica tamén unha incalculable perda de produtividade xunto co incuantificable sufrimento do suxeito e o seu entorno. A súa repercusión tanto a nivel individual como familiar é moi notable, xerando unha importante necesidade de atención integral.
Así pois, xunto co tratamento médico e farmacolóxico é necesario promover unha atención integral do paciente na que se inclúan intervencións psico-sociais dirixidas a prever a aparición de discapacidades ou a incidir, mediante técnicas rehabilitadoras sobre os déficits psico- sociais derivados da enfermidade.
Debido á alta porcentaxe de afectados na zona, a demanda dun servizo de apoio comunitario impulsou o espírito de unión e solidariedade entre as familias afectadas dando lugar ao nacemento en 1999 da Asociación de Axuda ó Enfermo Mental A Mariña, chamada actualmente “ Saúde Mental A Mariña” .
A principios do ano 2000, inscríbese no Rexistro Xeral de Asociacións co número 02278 Sección 1º, así como na Consellería de Familia e Promoción do Emprego, Muller e Xuventude co número F-01447 e na Consellería de Sanidade e Servizos Sociais co número S-1416.
En Setembro de 2003 é aceptada en SAÚDE MENTAL FEAFES GALICIA (Federación de Asociacións de Familiares e Enfermos Mentais de Galicia) como membro numerario.
No ano 2008 a Entidade é declarada de Utilidade Pública, pola Orde do 4 de Febreiro de 2008.
En 2011 certifícanse os Centros de Rehabilitación Psicosocial e Laboral (CRPL Burela e Ribadeo) en CALIDADE ISO 9001, o que supón un gran avance cualitativo e cuantitativo cara a mellora continua. De feito, no día de hoxe tivemos AUDITORÍA INTERNA DE CALIDADE. É para nós moi importante estar sempre no camiño da mellora contínua.
Ata a actualidade a Asociación ten rexistrados 252 socios procedentes de todos os municipios da Mariña e, ademais, contamos cunha gran carteira de Voluntariado moi comprometido coa causa .
No ano 2013, abriuse a primeira Unidade Residencial especializada en enfermidade mental de toda a Provincia de Lugo, sita en Cervo e no ano 2019 inaugurouse a primeira vivenda tutelada para mulleres vítimas de violencia de xénero con enfermidade mental, de todo o territorio español, ubicada en Burela, onde tamén se conta cun piso protexido.
Ademáis, contamos con proxectos novedosos en prol da mellora da calidade de vida dos usuarios dos distintos dispositivos como é A “Aula do Mar A Mariña”, Primeira Aula Inclusiva de Galicia, sendo un proxecto medioambiental e de integración social para persoas con enfermidade mental crónica, na cal se pon en valor o patrimonio costeiro, os recursos patrimoniais e ambientais da zona de A Mariña-Ortegal.
A Asociación Saúde Mental A Mariña, conta cun concerto de plazas co Servizo Galego de Saúde para dar atención integral a 25 usuari@s no Centro de Rehabilitación Psicosocial e Laboral de Burela, a 20 usuarios no Centro de Rehabilitación Psicosocial e Laboral de Ribadeo, a 5 usuari@s no Piso Protexido e a 25 usuari@s na Unidade Residencial ubicada en Cervo.
Conta ademáis cun convenio de colaboración coa Consellería de Traballo e Igualdade co que se financia a Casa de Acollida: Vivenda tutelada para mulleres vítimas de violencia de xénero con enfermidade mental.
Dentro do proxecto individualizado de intervención de cada usuario (PIP) marcamos obxetivos tanto nas áreas psicolóxica, social e pre-laboral, facendo un traballo moi importante coa terapia ocupacional. Todos os obxetivos encamiñados a mellorar a calidade de vida de cada un dos usuarios, polo tanto esta exposición de artesanía redundará moi positivamente na mesma ao igual que no aumento da súa autoestima.
INAUGURACIÓN EXPOSICIÓN DE ARTESANÍA
A exposición estará situada na Casa da Cultura de San Cibrao e estará a disposición dos visitantes do 2 ao 31 de decembro en horario de 9h a 15h.
A inauguración terá lugar o próximo día 2 de Decembro ás 13:00h cunha invitada especial, Dna. María Tajes Alonso, Xefa do Servizo de Saúde Mental e Asistencia a Drogodependencias da Consellería de Sanidade.
Tamén contaremos con Dna. María José Cortés, Xerente do Hospital Público da Mariña, así como do Alcalde do Excmo. Concello de Cervo, D. Alfonso Villares.
Será unha xornada interactiva posto que asistirán numerosos invitados, entre eles, técnicos, membros da xunta directiva, familias, e usuari@s dos distintos dispositivos que tamén porán en valor o esforzo e traballo por unha mellora contínua e darán testimonio en primeira persoa do que significa esta exposición para eles.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
