Ribadeo, 3 de novembro de 2021. Do 5 a o 9 de novembro celebrarase a campaña Tapeando con Acisa. Trátase dunha nova iniciativa ideada pola Asociación de Comerciantes, Industriais, Servizos e Autónomos para o sector hostaleiro na que se darán cita 16 establecementos asociados, que ofrecerán as súas orixinais preparacións durante 5 días.
O xerente de Acisa, Jesús Pérez, explicou que “cada establecemento ofrecerá todos os días unha tapa especial. As tapas terán un prezo que oscilará entre 1 e 3 euros, cada local fixou o seu prezo. Nos dípticos, que desde hoxe están nos bares, mesóns e restaurantes participantes, a clientela poderá atopar todos os datos das tapas que se van ofertar, os nomes das tapas, horarios de servizo e se ai opción de levar para casa. A campaña estará a nosa web e nas redes socias”.
Francisco Iriarte, presidente de Acisa, dixo que “quixemos darlle total liberdade aos participantes establecendo prezos, días de participación e tipo de tapa a ofrecer, co fin de que esta campaña responda o mellor posible ás necesidades e criterios de cada un deles”.
En Tapeando con Acisa participan 16 locais: La Bugalla, Rosalar, O Alen, O Indiano, O Lar de Manolo, Goiás, Queimada, Galipizza, Delicates, Mareta, El Rincón del Gordo, La Lira, La Solana, O Xantar de Pazos, La Quinta e La Botellería.
Iriarte Quintana manifestou que “traballamos dende hai un tempo en organizar unha actividade deste tipo que ven sendo solicitada pola hostalería en moitas ocasións, e despois de saír da emerxencia sanitaria e recuperar os aforos e as barras pareceunos o mellor momento para facelo. Cremos que pode ser unha boa forma de dinamizar uns días deste mes de novembro, creando así unha oferta de ocio gastronómico e dándolle aos veciños e veciñas da vila e dos arredores unha boa razón para animarse a saír por Ribadeo”.
Pérez Prada engadiu que “hai tapas moi elaborada. Creo que é unha boa forma para que a xente saia, tome dúas ou tres consumicións acompañadas das súas tapas, podendo case cear ou comer por un prezo mais que asumible, completando a ruta das 16 tapas e podendo probalas todas”.
Doazón a La Palma
Acisa Ribadeo realizou hoxe a transferencia en beneficio do Cabildo de La Palma, por un importe de algo mais de 2.600 euros, cantidade que foi recadada ao longo do pasado mes de outubro. Dende as 10 asociacións organizadoras séntense satisfeitos, xa que calquera pequena axuda, vai ser ben recibida alí. E subliñan que a conta quedará un tempo aberta por se alguén se anima a doar o longo de novembro.
Días Azuis
Acisa Ribadeo únese á campaña Días Azuis do Comercio Galego, que se celebra ata o vindeiro 20 de novembro. Aquelas persoas que rexistren as súas compras na web www.diasazuis.com entrarán no sorteo de 14.000 euros repartidos en 32 tarxetas de 250 euros e 40 tarxetas de 150 euros. Son válidas todas as compras realizadas no comercio local.
Acisa súmase a esta campaña “para facer de novembro un mes especialmente atractivo para os ribadenses e para vir mercar a Ribadeo. En novembro aquelas persoas que compren no comercio ribadense ademais poderán levar un desconto para combustible en Gasolineira Valcarce, poderán facerse coas panchas (a moeda local) e levar 40 panchas por 30 euros para consumir na hostalería ou no comercio locais, poderán tapear do 5 ao 9 e nunhas semanas chegará o Black Friday. Hai poucos meses tan interesantes coma este”, engadiron presidente e xerente de Acisa Ribadeo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
