Ribadeo, 27 de outubro de 2021. A Concellaría de Desenvolvemento Local desenvolverá a segunda edición de Reinicia Ribadeo, o programa de transformación dixital para as empresas e autónomos locais, sen custe económico para todos eles. Será impartido nos meses de novembro e decembro e a inscrición está aberta ata o vindeiro día 4.
O concelleiro de Desenvolvemento Local, Pablo Vizoso, dixo que “ante a necesidade xeral de mellorar a dixitalización dos pequenos negocios locais para adaptarse ás novas canles de venda e de comunicación, e tamén debido ao grande interese que suscitou na primeira edición, dende o Concello de Ribadeo lanzamos o proxecto Reinicia Ribadeo na súa segunda fase, que se presenta como un programa de acompañamento e de apoio para a transformación dixital das nosas empresas locais”.
O edil ribadense explicou que “este proxecto divídese en dúas liñas, por un lado en impartir cursos prácticos de formación e por outro en asesoramento individualizado. Trátase sempre dun programa totalmente personalizado, que se levará a cabo durante o mes de novembro e parte de decembro, e que servirá ademais, segundo pretendemos, para que as empresas locais poidan dar un impulso á campaña de Nadal. Trataranse temas como a identidade corporativa, as redes sociais, o comercio electrónico ou a fidelización de clientes”.
Vizoso Galdo sinalou que “as persoas e as empresas beneficiarias recibirán formación sobre a área que consideren ou que se vexa máis relevante para o seu negocio, en grupos divididos de acordo co seu nivel de coñecementos e sempre que sexa posible organizados por sectores de actividade. A convocatoria está aberta a todas as persoas autónomas e pequenas empresas asentadas en Ribadeo, con independencia da súa actividade, e sen ningún custe económico para elas”.
O concelleiro de Desenvolvemento Local engadiu que “con esta segunda edición de Reinicia Ribadeo desde o Concello queremos continuar ofrecendo apoio na súa transformación dixital ás empresas asentadas en Ribadeo, incrementando as competencias dixitais das persoas responsables e permitindo mellorar a súa visibilidade nas redes e o uso das novas canles de comunicación e de venda. As bases desta convocatoria están dispoñibles na web do Concello de Ribadeo. O prazo de inscrición está aberto ata o 4 de novembro e aquelas persoas ou empresas que estean interesadas nesta convocatoria poden dirixirse ao Concello consultando na súa web, por teléfono no 982 128 650 ou dirixíndose directamente ao departamento da Concellaría de Desenvolvemento Local”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
