Foz, 6 de outubro de 2021. Este pasado luns foi publicada nos taboleiros de anuncios dos Concellos de Foz, Alfoz e Valadouro a listaxe cos 20 alumnos e alumnas admitidos para a Escola Obradoiro Terras do Ouro 2021. Dos 20 postos ofertados, 12 corresponden ao Concello de Foz, contando os municipios de Alfoz e O Valadouro con 4 alumnos cada un. Ademais fixéronse as probas do persoal que se encargará de dirixir o obradoiro, composto por un director, dous monitores e un administrativo.
O alcalde de Foz, Fran Cajoto, avanza que o obxectivo do obradoiro é “formar traballadores no sector forestal, un dos máis fortes e con máis futuro da comarca. Con esta formación estamos a dar unha oportunidade de futuro, unha saída laboral a persoas desempregadas. A maiores o obradoiro permitiranos conservar e mellorar montes de titularidade municipal, como na Cornería, e acondicionar camiños forestais e outras infraestruturas. É un bo proxecto que intentaremos que alumnas e alumnos aproveiten ao máximo”
O rexedor municipal de O Valadouro, Edmundo Maseda, destaca que “ademais de formar bos profesionais no sector forestal, que está en continuo crecemento, terá consecuencias positivas no acondicionamento de varias vías forestais, que poderán aproveitar veciñas e veciños: camiño de 1,3 quilómetros entre Alaxe e Budián, varios tramos nos montes de Sabugueira e Silvosa, o camiño da Cabaña, 1,5 quilómetros de vial entre Budián e o límite con Nois e varios máis”.
E o alcalde de Alfoz, Jorge Val, móstrase “moi satisfeito pola colaboración entre tres concellos veciños, con moitas características en común. Os nosos catro alumnos actuarán nos montes da Grumeira e do Pico e no Coto da Croa. O noso concello ten unha tradición madeireira máis que evidente e unha industria asociada como é a de Costiña, que agardamos que funcione pronto a pleno rendemento”.
Os alcaldes dos tres concellos mantiveron unha xuntanza de traballo na pasada semana para ultimar os trámites administrativos necesarios para poñer en marcha o taller de emprego.
O obradoiro Terras do Ouro 2021, que combina a formación coa práctica profesional para a aprendizaxe en tarefas conservación e mellora de montes, está financiado pola Xunta de Galicia. Dará comezo neste mes de outubro e ten unha duración de 9 meses.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
