Viveiro, 16 de outubro de 2021. O Concello de Viveiro fai balance do programa “Viveiro Inclúe”, o proxecto co que o goberno local está a desenvolver para facer do municipio un lugar máis accesible para as persoas con diversidade funcional.
“Viveiro inclúe” naceu a raíz dun evento pioneiro como ‘Superarte’, a mostra de teatro feito por persoas con diversidade funcional. Esta mostra xurdiu en 2018 e este ano chega á súa terceira edición, despois de que en 2020 non puidera celebrarse por mor da pandemia da COVID-19. En 2018, o evento dedicouse á comunidade con cegueira mentres que en 2019 á xordeira. Neste 2021, dedicarase á comunidade con espectro autista, polo que dende o Concello de Viveiro xa se está a traballar coa Asociación Autismo Bata.
“A partir desta iniciativa xorde “Viveiro Inclúe” dentro do que se están a desenvolver diferentes accións dende distintas áreas, co obxectivo de que Viveiro sexa un municipio inclusivo para todo tipo de persoas e colectivos e accesible para aquelas persoas con diversidade funcional”, explica a alcaldesa, María Loureiro.
Mochilas vibratorias, formación en lingua de signos e actividades coa infancia
Entre as iniciativas levadas a cabo cómpre destacar un dos proxectos que posicionan a Viveiro como un municipio pioneiro neste ámbito. Trátase da recente adquisición de cinco mochilas vibratorias Subpac, en colaboración coa Fundación “La Caixa” e Caixabank. Estas mochilas, presentadas en abril de 2021, permiten á comunidade xorda acceder á programación cultural municipal.
Este equipamento usouse no concerto de Guadi Galego, organizado polo Concello de Viveiro este verán, que tamén contou cunha intérprete de signos contratada por este concello, resultando un éxito.
O Concello de Viveiro tamén puxo en marcha recentemente un curso de Linguaxe de Signos dirixido a docentes e persoas relacionadas coa diversidade funcional en diferentes sectores educativos.
Ademais, a sensibilización sobre a linguaxe de signos impulsada polo Concello de Viveiro tamén chega á infancia. Neste sentido, cabe lembrar que o goberno local organizou recentemente un contacontos sobre a diversidade funcional, e en concreto sobre a xordeira.
No marco deste proxecto cómpre facer referencia, asemade, á colaboración solicitada ao Grupo Social Once en febreiro de 2021 para establecer unha canle de comunicación e cooperación con esa entidade, coa finalidade de recibir o seu apoio e asesoramento con respecto ao mesmo.
A raíz desa colaboración, o Concello de Viveiro púxose en contacto con diversas empresas especializadas coa intención de levar a cabo novas iniciativas neste ámbito.
Novos proxectos
Deste modo, ao longo deste ano o Concello realizou diferentes xestións ao respecto e conta xa con orzamentos remitidos por diversas empresas para traballar en accesibilidade. Entre estas opcións está o orzamento da Asociación Branque, coa que o concello traballará no curso 2021-2022, a través da creación dun grupo de participación xuvenil co fin de que sexan os propios rapaces os que trasladen á corporación municipal as súas opinións, necesidades e inquedanzas.
Cabe destacar, asemade, as xestións realizadas para a instalación de catro semáforos acústicos no municipio nos puntos de maior tránsito de peóns: Avenida de Cantarrana, Avenida de Ferrol (fronte ao establecemento Arenal) e Avenida de Galicia con Avenida de Cervantes (fronte ao peirao e próximos ao mercado de abastos), que se prevén incluír nos orzamentos de 2022.
Tamén se estableceron contactos e disponse do orzamento dunha empresa para a expansión de parques inclusivos no noso concello. Tamén se conta cos presupostos realizados para as auditorías de accesibilidade, tanto da web como da APP do Concello de Viveiro, co fin de incluír ambas auditorías nos orzamentos do ano 2022.
A estas iniciativas concretas cómpre engadir que en calquera obra realizada polo Concello de Viveiro sempre se intenta mellorar a accesibilidade. Neste sentido, pódense citar as actuacións realizadas no Conservatorio ou na Biblioteca, na Avenida de Cervantes ou na Avenida de Lodeiro. Ademais, neste eido cabe indicar que o Concello de Viveiro ten solicitada unha subvención para o desenvolvemento dun plan integral para a mellora da accesibilidade.
Cómpre indicar, finalmente, que o Concello de Viveiro leva moito tempo investindo en sensibilizar á poboación, xa que é o paso fundamental para que a xente sinta a necesidade de realizar pequenos cambios individuais. Uns cambios que facilitarán dar o paso en grandes proxectos.
O Concello de Viveiro recalca o seu compromiso neste sentido dende hai tempo. Neste sentido, recalcan que incluso antes de que moitos concellos da Mariña miraran cara a diversidade funcional, o Concello de Viveiro xa tiña dentro da súa programación cultural varias obras de teatro, contacontos e artistas que falaban da diversidade funcional con total liberdade. Recordan ademais que nese momento xa se lles daba voz e lugar dentro da programación ás persoas que facían teatro con diversidade funcional, para que tiveran o lugar que se merecían.
Nese sentido o Concello de Viveiro leva anos traballando, un esforzo do que xorde “Viveiro Inclúe”. Dende o goberno local recalcan que seguirán traballando nesa liña para mellorar a inclusión e accesibilidade das persoas con diversidade funcional. O Concello de Viveiro insiste en que moitas veces non son os grandes proxectos, senón os pequenos pasos que se van dando no día a día, os que fan que a diversidade funcional vaia adquirindo esa importancia e que a xente entenda que é vital para toda a sociedade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
