A Mariña, 9 de outubro de 2021. O presidente da Mancomunidade de Concellos da Mariña Lucense, Fran Cajoto, esixe un compromiso “público e explícito” para que a nova planta de fibra téxtil de Altri se instale nesta comarca.
Cajoto cree que “chegou o momento de falar alto e claro, berrar se é preciso. Estamos a reiterar de forma constante que un dos proxectos industriais financiados con fondos europeos Next Generation ten que instalarse na nosa comarca, danos igual o concello. Aquí non se trata de quen goberna, trátase de revitalizar ou deixar esmorecer a industria da Mariña, que está ferida de gravidade e cortar a hemorraxia. O escenario que temos é dunha incertidume abrumadora: sen garantías en Alcoa ao que lle sumamos agora o peche anunciado de Vestas. Non podemos vivir só de turismo, o momento actual é de extrema gravidade”.
O presidente da Mancomunidade de Concellos de Mariña subliña: “pedimos axuda e auxilio á Xunta de Galicia. Sabemos da importancia do sector forestal na Mariña, o 43% das cortas de madeira en Galicia -e ollo, o 25% de toda España- concéntranse no norte: Mariñas Coruñesas, Ortegal e Mariña Lucense. Contamos coa materia prima e non temos a industria que a complemente e lle dea valor engadido. Aquí é onde debe entrar o compromiso das administracións. É de público coñecemento que a industrial portuguesa Altri está a buscar emprazamento para unha nova planta de fibra téxtil a partir de celulosa que daría traballo directo a 2000 persoas. Pero non o está a buscar soa. A Xunta lidera o consorcio Impulsa Galicia que conforman a propia Xunta (40%), Abanca (38%), Reganosa (12%) e Sogama (10%): Altri sería o socio industrial e a implantanción financiariámola todos a través de fondos europeos Next Generation”.
Fran Cajoto sinala que “se está a falar da Mariña como posible ubicación. Fronte a outras candidatas galegas, a Mariña conta coa materia prima nos nosos montes e tamén ten unha necesidade evidente e urxente pola situación industrial. Pedimos compromiso político claro, público e explícito: un consorcio industrial liderado pola administración autonómica ten a capacidade de decisión. Que non se esquezan de nós”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
