Santiago de Compostela, 29 de outubro de 2021. A portavoz de Pesca do Grupo Socialista, Patricia Otero, criticou hoxe que os orzamentos da Consellería do Mar para o próximo ano sexan “meras declaracións de intencións sen partidas económicas”. Así o dixo na comparecencia da conselleira para dar conta dos orzamentos para 2022, que segundo Otero “presenta na Memoria supostos e obxectivos que non se traducen en partidas orzamentarias”.
Otero reivindicou unha “aposta decidida para axudar ao sector da pesca” de cara á reactivación económica e á recuperación post covid que está ausente das contas presentadas pola Consellería do Mar, que deixa abandonado a un sector tamén afectado polas consecuencias da pandemia. Lembrou a incidencia das limitacións da actividade e os peches da hostalería, que tiveron unha importante repercusión nas contas de resultados do sector.
Sen embargo, esta Consellería “nin respalda nin inclúe unha resposta decidida” para as medidas que anuncia na súa Memoria de Orzamentos, co que “unha cousa é o que din que van facer e outra moi distinta o que poderán facer”. Ademais, alertou da baixa execución dos Orzamentos da Consellería de Pesca, unha práctica “lamentablemente reiterada exercicio tras exercicio” e que lastra o impulso ao sector dende a administración autonómica.
Explicou que dúas partidas fundamentais como deberan ser promoción da Acuicultura e a Regulación de Producións e de Mercados de Pesca, que supoñen o groso do orzamento da Consellería, a metade do ano tan só teñen unha execución de apenas un 9,6 e un 3,6 por cento do gasto previsto, respectivamente.
O mesmo sucede, dixo, cos fondos comunitarios para a Pesca, os coñecidos como FEMP e os próximos FEMPA, dos que a dous anos do remate aínda están sen executar a metade das partidas dispoñibles. Dos 371 millóns de euros destinados a Galicia no FEMP, tan só foron executados 117, co que restan en carteira 152 millóns de euros. Sinalou que neste exercicio volven incorporar os mesmos 89 millóns de euros FEMP que deixaron sen executar nos anos anteriores.
E isto mentres a Consellería segue sen dar conta de cales dos máis de 300 proxectos anunciados pola Xunta para optar a fondos Next Generation EU forman parte do sector do mar, o que “cremos que é enganar á cidadanía”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
