Santiago, 20 de outubro de 2021. O Grupo Popular demandará no Pleno da vindeira semana que o Goberno de España participe e se implique na mesa industrial, xunto coa Xunta, a representación dos traballadores e a empresa, para identificar posibles alternativas que permitan un futuro para os traballadores da fábrica de Vestas en Viveiro. Así mesmo, pedirá que o Goberno central demande, diante da Unión Europea e da Organización Mundial do Comercio, que se free a proposta de prohibir as subvencións á compra ou a cubrir os custos de combustible da frota pesqueira.
Ao remate da Xunta de Portavoces, o portavoz popular, Pedro Puy, informou que o vindeiro martes, e con anterioridade á celebración do Pleno ordinario, terá lugar unha sesión plenaria extraordinaria para a designación do senador en representación da Comunidade autónoma que supla a Jesús Vázquez.
Respecto do Pleno ordinario, o Grupo Popular demandará medidas de apoio urxentes e acompañamento aos traballadores afectados polo ERE da empresa Vestas de Viveiro. Neste sentido, solicitará ao Goberno central que participe e se implique na mesa industrial para buscar unha saída aos problemas desta empresa, así como que cambie de actitude e aposte realmente por unha transición enerxética xusta e compatible co mantemento da actividade industrial que se está a ver altamente impactada pola actual estratexia enerxética que provoca o desmantelamento de empresas vinculadas a este sector.
Así mesmo, a proposición non de lei do Grupo Popular reclama o apoio do Parlamento galego á promoción de todas aquelas iniciativas no ámbito das enerxías renovables que conten coas máximas garantías técnicas, xurídicas e ambientais, fronte aos intentos de estigmatización deste sector, que provoca un impacto no seu desenvolvemento e na actividade empresarial e industrial asociada á produción de enerxía eólica, como é o caso da fábrica de Vestas.
En segundo lugar, o Grupo Popular solicitará ao Goberno central a través doutra proposición non de lei que demande diante da Unión Europea e a Organización Mundial do Comercio a paralización da proposta de prohibir as subvencións á compra ou a cubrir os custos de combustible da frota pesqueira.
“A pesca galega compre toda a normativa europea, respecta as cotas, non practica a sobrepesca, nin ten nada que ver coa sobreexplotación dos recursos pesqueiros”, asegurou Pedro Puy, polo que afirmou que a eliminación xeneralizada do combustible bonificado “é unha medida cando menos inxusta, xa que cargaría de novo un esforzo sobre a frota galega, que practica unha pesca responsable e sustentable en todos os mares”.
No apartado de preguntas ao Goberno galego, o Grupo Popular interesarase polas partidas destinadas nos orzamentos xerais do Estado para 2022 a infraestruturas viarias e ferroviarias en Galicia. “Botamos de menos algúns investimentos como a autovía Vigo-Porriño, que só conta con 100.000 euros; apenas ten fondos a autovía Ponferrada-O Barco; non se fala da saída sur do tren de Vigo; o tren A Coruña-Ferrol ten 17.000 euros; ou a extensión das peaxes da AP-9 á AP-53”, apuntou.
O Grupo Popular tamén se interesará polo impacto que ten a estratexia de dinamización económica, territorial e turística das comarcas vitivinícolas de Galicia en cada un dos eixos nos que actúa.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
