Santiago de Compostela, 21 de setembro, 2021. O deputado do BNG, Luís Bará apelou a chegar a un acordo sobre a xestión da auga entre todas as administración para mudar o modelo das política nesta materia durante as últimas dúas décadas, lonxe da “nova cultura da auga”.
A través dunha pregunta parlamentaria ao goberno, na comisión de Ordenación do Territorio, o nacionalista volveu a propoñer, “retirar o documento do Partido popular” ante a falta de diálogo cos axentes implicados. Para ao nacionalista anteproxecto do Ciclo da auga do PP representa “un novo sabrazo” para os concellos e persoas usuarias. Por outra parte, lembrou que o Pacto da Auga non foi acordado e sen unha planificación xeral de abastecemento e saneamento, agora “collen un atallo” para que os concellos asuman todas as responsabilidades e non só sobre as depuradoras que dependen da Xunta de Galiza.
A lei, dixo, debería abordarse como un plan sectorial como reflicte a lei de Ordenación do Territorio. Por outra parte, establece unhas condicións “abusivas para os concellos” á marxe das súas condicións económicas e extensión. Os concellos serán obrigados a a realizar un grande desenvolso en prazos moi curtos e baixo cláusulas “punitivas e coercitivas” no caso de negarse a facelo.
Bará preguntou á Xunta se ten en conta as dificultades dos concellos para asumir as obrigas impostas polo Goberno galego nun contexto de recesión económica. Sen unha planificación xeral , dixo, esta “non é a forma de facelo”.
Ademais, a nova lei prevé “unha carga fiscal” que a propia FEGAMP sitúa no 60% e a realidade é que a súa lei crea novas taxas como a de depurar as augas da chuvia e un canon de abastecementos.
Para o deputado, o Partido popular mantén unha concepción “limitada” do ciclo da auga por non atender á “protección dos recursos, a conservación das masas de augas, superficiais e subterráneas, ríos, encoros rías, humidais e tamén o aforro no consumo de auga”. O PP non aborda a eficiencia enerxética nin infraestruturas verdes para mellorar a xestión da auga en espazos urbanos.
Bará afeou que o Goberno centre todo o seu esforzo nas infraestruturas de abastecemento, saneamento e depuración e medidas sobre un modelo “fracasado”. Agora responsabilizan aos concellos do mal funcionamento das depuradoras municipais cando a maior parte delas foron “deseñadas e construídas pola Xunta de Galiza”, denunciou.
Na súa intervención, tamén preguntou porque o Goberno galego quere implantar este modelo de “forma unilateral” despois de desbotar a lei chamada Sogama da Auga e porque razón incumpriu as súas obrigas para elaborar o Plan de Saneamento e Plan Xeral de abastecemento. Bará tamén preguntou se a Xunta está disposta a abrir “un proceso de dialogo” coas administracións para acadar un amplo acordo na xestión da auga e a creación do Consello para o uso sustentable da auga.
O BNG pide retirar o anteproxecto e acordar “unha estratexia da auga”
Tras a intervención da Directora de Augas de Galiza, Teresa Gutierrez López, o parlamentario do BNG volveu a reclamar a retirada do anteproxecto e abrir un proceso de diálogo con todas as partes para acordar “unha estratexia galega da auga”, e con carácter previo elaborar unha planificación a través do Plan xeral de Saneamento así como “culminar os traballos do Pacto Local da auga” iniciados no ano 2013.
Finalmente, o deputado do BNG tamén reclamou crear o Consello para o uso sustentable da auga, anunciado no ano 2013.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
