Lugo, 27de outubro de 2021. Máis de 170 clubs de base e afeccionados recibirán as axudas de concorrencia competitiva convocadas pola Vicepresidencia da Deputación de Lugo para apoiar a actividade do tecido deportivo, cun investimento total de 500 mil euros.
Segundo se recolle na resolución provisional da convocatoria, publicada este mércores no BOP, os fondos chegarán a unha ampla variedade de disciplinas deportivas -fútbol, baloncesto, ciclismo, piragüismo, atletismo, ximnasia rítmica, patinaxe, triatlón, balonmán,natación, voleibol, waterpolo, bádmiton, tenis de mesa, padel, tenis, squash, karate, taekwondo, judo, kung fu, loitas olímpicas, tiro, surf, remo, xadrez, birlos, rugby ou pesca – para atender diferentes gastos relacionados coa actividade competitiva dos clubs, desde licenzas e dereitos de participación en competicións ata material, vestimenta deportiva ou transporte.
Ademais de contribuír ao mantemento da actividade ordinaria das entidades deportivas, a través desta convocatoria, a Vicepresidencia da Deputación apoia a organización de medio cento de eventos promovidos polo tecido deportivo.
O deputado de Deportes Efrén Castro remarcou “a importancia destas achegas para os clubs de base e afeccionados, que dependen en grande medida destes recursos para manter a súa actividade, máis nestes últimos meses de incerteza pola situación sanitaria”.
O deputado nacionalista valorou “o traballo que desenvolven os clubs, facilitando o acceso ao deporte en todo o territorio, que é o obxectivo último destas axudas” e sinalou “a existencia dun tecido deportivo cada vez máis diverso que ofrece diferentes alternativas para realizar actividade física”
Neste sentido, destacou “o incremento de solicitudes de axudas para a organización de eventos, reflexo de que estamos a recuperar a normalidade e de que os clubs manteñen o dinamismo previo á pandemia”.
Na resolución das axudas, que oscilan entre os 300 e os 5.000 euros, tivéronse en conta os criterios fixados nas bases da convocatoria como o rendemento ou a incidencia social do club, o fomento da igualdade e a integración ou a localizacion, primándose aos de concellos con menos de mil habitantes.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
