O Valadouro/Foz, 14 de outubro de 2021. Gonzalo Caballero percorreu hoxe varios puntos da Mariña lucense para reunirse cos compañeiros e coas compañeiras do PSdeG no marco das primarias que terán lugar o vindeiro día 30.
Dende O Valadouro e Foz, Gonzalo Caballero reivindicou “o avance” do PSdeG dende a súa chegada á secretaría xeral. “Todo o mundo recoñece que o PSdeG está hoxe moito mellor que hai catro anos”, subliñou.
“Traballamos dende a esquerda e coa forza da militancia, e acadamos resultados históricos nas xerais e nas europeas, gañando ao PP en Galicia por primeira vez; e obtivemos as alcaldías de cinco das sete cidades galegas e de tres das catro deputacións nas municipais”, resaltou.
Asemade, Gonzalo Caballero apuntou o avance socialista en apoio electoral en todas as eleccións que houbo nos últimos catro anos, toda vez que supuxo frear a caída continua que arrastraba o PSdeG dende que non se reeditara o goberno progresista galego no 2009.
Por iso, apelou a “seguir fortalecendo o proxecto socialista dende a esquerda e coa forza da militancia”, para seguir impulsando valores como “o galeguismo feminismo, o ecoloxismo e o compromiso coa ética pública”. “Agora non podemos retroceder”, recalcou Gonzalo Caballero.
“CONFRONTANDO CON FEIJÓO” NO DEBATE DE AUTONOMÍA
En paralelo, considerou “pouco afortunado” que o outro candidato ás primarias elixira o día do Debate sobre o Estado da Autonomía para achegarse á sede do PSdeG a criticar á dirección do partido no día en que “todos deberíamos estar centrados en confrontar coas políticas da dereita e en dar respostas de esquerda”.
“Todos e todas as socialistas que combatemos as políticas do PP dende unha perspectiva de esquerdas estabamos centrados onte en ofrecer unha alternativa mellor para os galegos e as galegas”, contrastou Gonzalo Caballero.
É por iso que sinalou que mentres uns “estabamos confrontando con Feijóo”, outros “parece que queren meter goles en propia meta e parece que queren facerlle o traballo a Feijóo e ao PP”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
