Coa presentación do libro Miscelánea da antiga provincia de Mondoñedo, a Asociación de veciños de Cangas de Foz iniciou a campaña para ser final de etapa no Camiño do Mar

Cangas de Foz, 4 de outubro de 2021. A asociación de veciños San Pedro, de Cangas de Foz, iniciou a campaña para ser final de etapa no Camiño do Mar. A primeira actividade desta iniciativa celebrouse onte, domingo, coa presentación do libro Miscelánea da antiga provincia de Mondoñedo, escrito por Xosé Isidro Fernández Villalba.

No acto, que tivo lugar no Centro Cultural de Cangas, participaron a tenente de alcalde e concelleira de Cultura focense, Inés López; o alcalde de Mondoñedo, Manuel Otero; os historiadores Carlos Nuevo e Vicente Míguez; e o presidente da asociación veciñal de Cangas, Antón Castro, ademais do autor do libro que se presentou.

Entre os asistentes estiveron o primeiro tenente de alcalde do Concello de Foz, Francisco Xavier Fanego; e as concelleiras focenses Ana Rojo e Laura Riveira.

A asociación de veciños San Pedro de Cangas agradece a participación dos asistentes e recorda que “este foi o primeiro de moitos actos que vai haber na campaña que emprendemos para que Cangas sexa final de etapa do Camiño do Mar”.