Ribadeo, 15 de outubro de 2021. O salón de plenos do Concello de Ribadeo acolleu esta mañá a presentación do obradoiro Ribadeo prepara o teu camiño. Terá unha duración de nove meses e formará a 20 persoas en situación de desemprego, maiores de 18 anos. Xunto ao alumnado estiveron hoxe o concelleiro de Desenvolvemento Local, Pablo Vizoso, e o alcalde, Fernando Suárez.
O rexedor dirixiuse aos participantes neste obradoiro dicíndolles que “nosoutros o que queremos é aproveitar o mellor de vos porque vemos que nestes últimos anos fixemos cousas moi importantes en materia de turismo con estes obradoiros e en materia de arquivos con outros obradoiros que tivemos aquí. Realmente cousas que non son exactamente para darvos que facer, para que vos entreteñades e teoricamente aprendades, senón para que o que fagades nos sirva a nosoutros como Concello e como sociedade. Moitas das ferramentas que andamos presentando por aí están deseñadas por alumnos, xunto con monitores audaces, e iso válenos a vida”.
O concelleiro de Desenvolvemento Local, Pablo Vizoso, manifestou que “botamos a andar este obradoiro dual de emprego que chamamos Ribadeo prepara o teu camiño mediante o que se incorporan 20 novos traballadores, 20 novos alumnos e novas alumnas que antes estaban en situación de desemprego cuns contratos de duración de nove meses, para realizar unha serie de obras e unha serie de prestacións de servizos tamén para, sobre todo, axudar a promocionar turísticamente o Concello de Ribadeo, pero non de calquera maneira senón baseándonos nos recursos xa coñecidos, recursos naturais, históricos, patrimoniais en definitiva e que son totalmente propios do Camiño de Santiago ao paso polo noso concello. Tamén o que se pretende é consolidar e, se cadra, incrementar a oferta de servizos e a oferta de produtos relacionados co Camiño de Santiago para afianzar e profundizar en Ribadeo como un lugar principal e incluso que poida ser recoñecido como inicio de etapa no Camiño de Santiago”.
O edil ribadense engadiu que “como xa ten ocorrido en obradoiros anteriores imos combinar esa filosofía de aprender traballando e de traballar aprendendo, de modo que imos combinar tamén a formación que se vai impartindo coa aposta do sentido práctico dos coñecementos que os participantes irán adquirindo ao longo do período de formación, evidentemente dentro do marco das dúas especialidades propostas dentro deste obradoiro e que son Desenvolvemento de produtos audiovisuais multimedia interactivos e Xestión de marketing e de comunicación. Teño que dicir que son diferentes materias con moita importancia e un gran potencial, sobre todo tendo en conta o tecido empresarial e a situación económica actual de Ribadeo como quedou patente, especialmente no último ano coa avalancha de turistas que nos veñen visitar e que supoñemos que se vai ir incrementando nos próximos anos”.
Pablo Vizoso sinalou que “o aproveitamento da formación que se vai impartir e que forma parte deste obradoiro persigue varios obxectivos principais. En primeiro lugar, o máis evidente, que as persoas que resultaron seleccionadas desfruten desde xa dun contrato laboral de carácter dual que lles permita obter ao final da formación un certificado de profesionalidade para poder incorporarse dunha forma máis axeitada ao mercado laboral nestas materias que están relacionadas coa imaxe, co mundo dixital, coa comunicación, co marketing e coa promoción turística. Outro obxectivo importantísimo é que os traballos que realicen deixen pegada en Ribadeo a axuden a potencialo como un punto de referencia no Camiño Norte, e que resulte cada vez máis atractivo para os peregrinos, para os visitantes e tamén para os nosos veciños. E consolidar unha marca xa existente, que denominados Ribadeo alén do Camiño, destacando que se trata dun produto turístico específico aproveitando que somos a porta de entrada en Galicia do Camiño Norte. Pido a todos a maior implicación porque estes obxectivos que acabo de desgranar son importantísimos e obxectivos de futuro”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
