Ribadeo, 22 de outubro de 2021. Remataron as obras da estrada da estación, que xa foron recepcionadas oficialmente. O alcalde, Fernando Suárez, dixo que “nos sentimos orgullosos como goberno municipal de Ribadeo”. O investimento ascendeu a 353.000 euros, dos que 280.000 chegaron procedentes da Área de Medio Rural da Deputación de Lugo e 73.000 euros do Concello de Ribadeo.
O rexedor sinalou que “logo de moito traballo na redacción dun proxecto moi complexo, na consecución do vial posto que non era nin municipal, da cesión amigable de superficies colindantes por parte de particulares, da moita coordinación entre diferentes administracións como Adif ou a Deputación de Lugo. E tamén dalgunhas decepcións con outras como a Xunta de Galicia que non deu un can. Pois por todo isto, e por fin, xa está rematada e oficialmente recepcionada a estrada da estación, desde que onte se deu de alta o novo alumeado que a vai iluminar polas noites”.
Para Fernando Suárez “trátase dunha obra da que nos sentimos moi orgullos como goberno municipal de Ribadeo, porque lle resolve un excelente acceso aos veciños desa zona pero sobre todo porque é unha arteria principal de Ribadeo que, aínda estando na vila, da moitísimo servizo ás parroquias do interior, ao saír moita carga pesada por aí”.
O alcalde explicou que “con estas obras ampliamos o viario a 10 metros, construímos unha beirarrúa nunha das súas marxes, instalamos un novo sistema de iluminación led, puxemos árbores e diverso mobiliario público. E tamén aproveitamos para amañar a rúa adxacente, Segundo Moreno Barcia”.
Suárez Barcia engadiu: “e unha vez mais, a Deputación de Lugo, dentro da Área de Medio Rural foi determinante para axudarnos a financiar esta importante obra. Cunha achega de 280.000 euros da Deputación e 73.000 euros do Concello puidemos completar o orzamento total de 353.000 euros para mellorar completamente este viario. Foi unha pena tamén, que a Xunta de Galicia, despois de térsenos asegurado hai uno ano no Pleno da Corporación por parte do PP local, que para esta actuación a Xunta ía poñer si ou si, pois ao final, e coma sempre, foi non. Con todo, xa estamos afeitos a estes desplantes. Ogallá no futuro inmediato cambien a actitude, van ter moitas oportunidades para poder facelo. Sempre será positivo para Ribadeo. Mentres iso non aconteza, pois nós ao noso, a seguir transformando Ribadeo para mellor”.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
