Ribadeo, 16 de outubro de 2021. ACISA Ribadeo respalda a manifestación prevista para mañá, 17 de outubro, en Viveiro tras poñerse en contacto coa entidade os representantes dos sindicatos mais representativos da comarca (CCOO, CIG e UXT).
O presidente de Acisa, Francisco Iriarte indicou que “A Mariña está a pasar por momentos duros e polo tanto é preciso que todos esteamos unidos cando a pouca industria da comarca está a ser desmantelada e o futuro de moitas familias en xogo. Dende Acisa non podemos nin queremos estar alleos a esta situación. Alguén pode pensar que isto nos queda lonxe, pero non é así. O noso comercio, a nosa hostalaría e os nosos servizos viven durante o ano dos veciños e das veciñas de Ribadeo e tamén dos da nosa comarca. O turismo é moi importante, pero iso dura uns meses e o resto do ano é moi longo e duro”.
O xerente do colectivo empresarial, Jesús Pérez, dixo que “esta comarca leva anos abandonada polas principais administracións e a actual situación que estamos a vivir é boa mostra de iso. A Mariña necesita dun proxecto de renovación, que pase pola reindustralizacion, pola mellora das comunicacións, a mellora dos servizos públicos… que xere postos de traballo e fixe poboación. Non podemos depender exclusivamente do turismo, debemos abrir mais o abanico de actividades económicas. Isto non se fai dun día para outro por iso as administracións deben poñerse a traballar de inmediato, sobre todo as que teñen competencias na materia que nos ocupa”.
Pérez Prada sinalou que “un exemplo claro é Ribadeo, un concello que ten un potente sector comercial, hostaleiro e de servizos, pero moi pouca ou escasa actividade industrial, de aí que moitos veciños traballen en Alcoa, en Gondán, en Ence… pero consumen e compran na nosa vila, e grazas a iso sobrevive Ribadeo no inverno”.
Iriarte Quintana engadiu que “por todo isto e a tenor dos acontecementos que están a suceder na nosa comarca como o peche de Vestas e a situación de Alcoa, Acisa Ribadeo únese a esta reivindicación, para darlle un impulso de futuro á Mariña. Apoiamos a manifestación deste domingo, 17 de outubro, ás 12:00 horas en defensa da nosa comarca e para demandar melloras na industria, nas infraestruturas e na sanidade”.
Acisa enviou aos seus asociados e asociadas un comunicado para que o que queira e poida acuda a esa mobilización “ou para que o que queira e poida teña algún xesto desde o seu negocio, aínda que solo sexa poñer un cartel en apoio ou o que cada quen considere”.
O xerente de Acisa comentou que “agora as administracións, especialmente a autonómica, teñen a oportunidade de demostrar con feitos o seu apoio a esta comarca co proxecto de instalación de Altri, onde se prevé xerar 1.000 postos de traballo directos e moitos máis indirectos. Dende Acisa Ribadeo creemos que esta é unha oportunidade para Ribadeo, pola súa posición xeográfica privilexiada, con boas conexións por estrada, ferroviarias e marítimas e cun bo solo industrial. Está ben pedirlle ao Concello que faga todo o posible por atraer a empresa, pero a quen hai que demandarllo e á Xunta de Galicia, que é quen ten mais as competencias para facelo e así llo pedimos nosoutros”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
