Ribadeo, 2 de outubro de 2021. Acisa Ribadeo aposta pola volta á normalidade o antes posible, tal e como está a acontecer noutras comunidades autónomas nas que se están a eliminar as restricións na hostalería e no ocio nocturno.
O presidente de Acisa, Francisco Iriarte, asegura non entender o novo protocolo para o ocio nocturno que entra en vigor esta fin de semana: “cando en comunidades como Navarra ou Madrid, entre outras, as restricións están a desaparecer, aquí seguimos impoñendo protocolos e medidas como a petición do certificado covid para acceder aos locais que estean nos niveis máximos ou rexistros de entradas e saídas de clientes. O ocio nocturno é un dos máis afectados pola chegada da pandemia ás nosas vidas, estiveron moitos meses pechados, logo puideron traballar algo cuns horarios e aforos moi restrictivos… noutro momento da pandemia iso puido ter sentido, pero agora xa non llo vemos. En Galicia os niveis de vacinación son moi altos e o índice de contaxios bastante baixo. Pensamos que a hostalería e os locais de ocio nocturno teñen que volver canto antes á normalidade. Non poden seguir con máis cambios e con máis gastos para adaptarse ás normativas cambiantes que nos chegan desde a Xunta de Galicia”.
O xerente de Acisa, Jesús Pérez, sinala que “noutros países europeos xa se está a falar da eliminación das máscaras en recintos pechados e nós seguimos a anos luz doutros territorios españois e europeos.
Pasan as semanas e seguimos con máis normas que o único que fan é ocasionarlles gastos ao sector. Pasan as semanas e a hostalería e o ocio nocturno seguen con restricións, algo que está a ocasionar que teñamos que ver imaxes e ler informacións sobre macrobotellóns en diferentes cidades galegas ou que vexamos moitos botellóns nas nosas vilas e pobos. Os únicos culpables de todo isto son os que seguen a impoñer normas, que non nos permiten avanzar nun momento, este no que nos atopamos, no que os contaxios están controlados en Galicia e unha porcentaxe moi importante da poboación está vacinada. Habería que ir con coidado, si, pero avanzando ao mesmo ritmo que outras comunidades ou países que temos bastante cerca”.
Para Jesús Pérez “o sector amósase preocupado e séntese indefenso e abandonado por parte das asociacións provinciais de hostalería. A Xunta segue a impoñer restricións co consentimento e os parabéns deses colectivos, que o que terían que estar a facer é a loitar para conseguir axudas directas para paliar as perdas sufridas durante tantos meses e non os parches aos que non teñen acostumados”.
Pérez Prada engade: “seguimos oíndo falar de diferentes niveis para o ocio nocturno, de peches ás 3 ou ás 4 da madrugada, de aforos do 50 ou do 75% no interior ata un máximo de 2.000 persoas, do 75% ou do 100% nas terrazas, de cursos para os empregados, de pagos electrónicos, de tantas e tantas cousas… de pouco nos serve o 100% de aforo nas terrazas e non chegar ao 100% no interior, porque coa distancia de seguridade non se cumpre ese 100%. Aparte de enganarnos parece que non saben que estamos no norte de España e que as terrazas dentro dunhas semanas xa empezarán a non usarse en moitos casos”.
Presidente e xerente agardan que “o antes posible se dea por rematado todo este pesadelo e que os nosos asociados e asociadas poidan traballar nas mesmas condicións que o fan compañeiros doutras autonomías”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
