Lugo 21 de outubro de 2021. Vicepresidencia da Deputación de Lugo leva á comarca da Mariña varias propostas teatrais para esta fin de semana, dentro dos circuítos profesional e afeccionado promovidos desde a área de Cultura. Os concellos de Alfoz, O Vicedo, Barreiros e Viveiro serán os lugares onde as compañías de teatro presenten as súas funcións ao público.
O sábado 23, Hipócrita Teatro representará no Centro Sociocultural de
Alfoz, ás 20.30 horas, a obra “Pinconus” na que a música e o humor
xúntanse en escena para narrar as aventuras e desventuras dos
protagonistas. Incluída no circuíto de teatro profesional Aparte a
proposta está destinada a público de todas as idades, envolvendo ao
espectador nunha viaxe cara un lugar ao que todos queren ir, pero moi
poucos se atreven: Pínconus. Sucederanse unha serie de estratexias por parte das personaxes que interpretan Ana Carreira, Carlos Rebolo, Marga Portomeñe e Carlos Coira.
Ese mesmo día, sábado 23 de outubro, tamén dentro do circuíto Aparte,
chega ao Vicedo Trécola Producións co “Show de Barallocas”, unha
pantomima mesturada cunha coidada manipulación de obxectos para todos os públicos. Realizarase en colaboración coa Asociación de Veciños San Román do Vicedo, ás 18 horas na Casa da Cultura, baixo a dirección de Isabel Rey e Marcelino de Santiago. Gasas, cintas, cordas, fíos… calquera elemento cotiá colle vida cando se cruza no camiño do estrambótico protagonista deste show.
Por último, o domingo 24 de outubro Ubú Teatro levará “O vixiante dos
soños” ao Centro Sociocultural de San Cosme de Barreiros ás 12:30 horas.
Esta obra con monicreques para público familiar a partir dos 3 anos
captará a mirada dos máis pequenos e pequenas a través da historia de
Sonólicus e a súa intención de chegar ata a lúa.
Teatro afeccionado en Viveiro
O sábado 23 de outubro o Teatro Pastor Díaz de Viveiro acollerá a obra “Casting”, de Hipócrita Teatro ás 19 horas, unha peza que forma parte do circuíto de teatro afeccionado. Esta comedia está protagonizada por personaxes que representan algúns dos estereotipos femininos creados pola industria cinematográfica de Hollywood. Dirixida por Elea López, caricaturiza a través do humor estes prototipos instalados no imaxinario colectivo de varias xeracións.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
