Castro de Rei, 26 de outubro de 2021. A directora xeral de Relacións Laborais, Elena Mancha, clausurou hoxe no mercado gandeiro de Castro Ribeiras de Lea, en Castro de Rei, unha xornada sobre prevención de riscos laborais da Asociación Agraria de Galicia (Asaga). O acto -enmarcado na Semana Europea da Seguridade e Saúde no Traballo, que se celebra ata o próximo venres- permitiulle poñer en valor as actuacións da Xunta en materia de prevención de riscos e uso seguro de maquinaria nas que o sector agrario “é prioritario”.
Tal e como detallou Mancha, o sector agrario é considerado como prioritario para a Xunta de Galicia de xeito transversal e concretamente pola Consellería de Emprego e Igualdade no eido da protección da saúde das persoas traballadoras e autónomas que o integran. Por este motivo, está a apoiar a celebración, por parte de Asaga, dunha vintena de sesións formativas dirixidas ao sector.
Elena Mancha lembrou que a Xunta ven de axudar un ano máis a asociacións empresariais, clústeres e sindicatos con 1,5 millóns de euros para que desenvolvan iniciativas que, como a de hoxe, repercutan nunha mellora continua das condicións de traballo de seguridade e saúde nas empresas en todos os sectores do tecido empresarial galego co fin último de acadar a sinistralidade cero.
O Instituto de Seguridade e Saúde Laboral de Galicia (Issga) colabora activamente tamén coas asociacións no asesoramento especifico e actividade supervisora que requiren o que, segundo Mancha, “consegue ano tras ano ir mellorando as condicións de traballo a través da concienciación e a formación tanto dos empresarios e os seus servizos de prevención, como das persoas traballadoras”.
Os plans de actuación do instituto, que depende da Consellería de Emprego e Igualdade, inclúen actuacións de asesoramento, información e sensibilización específicas para reducir a sinistralidade laboral no sector agrario e gandeiro, así como medidas de control e seguimento que se desenvolven tamén en colaboración coa Consellería do Medio Rural e coas organizacións sectoriais representativas do sector. O Issga participa así en grupos de traballo estatais e autonómicos e presta apoio á elaboración de estatísticas de sinistralidade, investigacións de accidentes de traballo e enfermidades profesionais do sector agrario e campañas de promoción.
A formación ocupa un lugar destacado no conxunto de actuacións. Tal e como lembrou Mancha, este ano celebrouse a sexta edición do curso de prevención sobre o manexo seguro da motoserra e rozadoira. Tamén está prevista a realización da sexta edición do curso sobre gamificación.
Entre as campañas máis recentes de sensibilización, Emprego e Igualdade ven de promover A túa vida, sen voltas, para o uso seguro do tractor que ten como destinatarios os agricultores tanto por conta propia como allea, cooperativas agrarias, técnicos e alumnado das Escolas de Capacitación Agraria. Poboación rural en xeral.
Ademais o Issga está inmerso nunha iniciativa que divulgará xunto coa Consellería do Medio Rural sobre a prevención de riscos laborais en explotacións de gando vacún.
“Hoxe queremos trasladaros outra vez más a preocupación da Xunta de Galicia polo voso sector, queremos fixar, atraer e reter poboación ao medio rural, que o sector agrario galego se posicione como unha forza fundamental da nosa economía , que as condicións de traballo vaian mellorando día a día e que os accidentes de traballo sexan os menos posibles; deste xeito as empresas agrarias e rurais galegas serán cada vez mais sustentable y competitivas”, recalcou a directora xeral.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
