Lugo, 15 de outubro de 2021. O Presidente da Deputación de Lugo, José Tomé Roca, anunciou tras a reunión de Xunta de Goberno deste venres a adxudicación das obras de construción do Centro de Atención a Maiores da Pontenova por 1,97M€. Construcciones Jesús Naray S.L. será a empresa encargada de levantar as instalacións, proxectadas nunha parcela de máis de 2.000 metros cadrados na Chousa de Abaixo de Vilaoudriz. O inicio dos traballos dependerá da concesión das autorizacións autonómicas pertinentes.
José Tomé destacou “a importancia deste proxecto para a veciñanza deste municipio mariñán, froito dun traballo constante da institución provincial para cumprir cos compromisos adquiridos cos concellos. Con obras como esta achegamos os servizos públicos á xente e, polo tanto, mantemos a poboación no territorio para que o noso rural siga vivo”.
Este centro contará con 30 prazas de residencia e 20 de centro de día, seguindo o modelo propio que ten a Deputación de Lugo para a súa Rede de Residencias provinciais. O edificio terá dúas plantas, un semisoto e un ático e, para unha maior comodidade dos residentes, todos os cuartos estarán orientados cara o río Eo. As obras deberán estar executados nun prazo máximo de 15 meses.
“Con cada centro xeramos unha media de 25 novos postos de traballo, ademais de empregos indirectos e de actividade económica. Un exemplo son os produtos para a cociña, onde empregamos produtos de proximidade, pero tamén a farmacia, a hostalería ou o comercio notarán o aumento da actividade económica co funcionamento da residencia”, sinalou o mandatario provincial.
A día de hoxe, a Deputación ten residencias en funcionamento en Trabada, Ribadeo, Pol, A Fonsagrada, Castroverde e Pedrafita do Cebreiro, e neste ano abrirá as de Meira e Navia de Suarna.
Apoio ao tecido produtivo
A Deputación de Lugo continúa apoiando ao tecido produtivo da provincia para axudar á súa recuperación fronte ao impacto da crise da Covid coa aprobación na Xunta de Goberno dun convenio de colaboración coa Confederación de Empresarios de Lugo (CEL) por 89.000€ para o desenvolvemento do programa CEL superación – 2021.
Este plan inclúe a creación dun gabinete específico de asesoramento ás empresas sobre as diferentes axudas á recuperación, así como a implantación dun programa de formación dirixido a empresarios e traballadores para afrontar a nova realidade tras a pandemia. Ademais, a CEL creará unha web con datos estatísticos da provincia para mostrar a realidade do tecido empresarial lucense.
Granxa Gayoso
A Xunta de Goberno aprobou a adxudicación do contrato para os servizos de reparación e mantemento de tractores e maquinaria da Granxa Gayoso Castro por un importe de 15.000€. A empresa Doval Maquinaria, SL é a adxudicataria do contrato, que contará cunha duración dun ano, coa posibilidade de prorrogalo ata un máximo de tres máis.
Bonos Impulso
Por outra banda, na reunión de hoxe o Executivo da Deputación acordou ampliar ata o 22 de outubro o prazo que teñen os establecementos adheridos ao Bono Impulso para entregar as contas xustificativas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
