Unha persoa con mobilidade reducida non ten opcións para transitar pola rúa Verxeles de Viveiro. Nin existe o suficiente número de prazas adaptadas para aparcar o seu vehículo preto do seu destino. Do mesmo xeito que unha persoa con alteracións visuais vai atopar dificultades para cruzar nun paso de peóns. Outras persoas atoparánse sen recursos para escoitar unha obra no Teatro Pastor Díaz se ten limitacións auditivas. Ou moitas dificultades para consultar a páxina web do concello se ten dificultades a nivel cognitivo. Páxina web que segue sen ser accesible a pesar de que o goberno votou en contra da moción do BNG porque “xa estaban niso” en febreiro deste ano.
Estes son algúns exemplos de carencias na Accesibilidade no Concello de Viveiro. Basta con dar un paseo en cadeira de rodas, ou andador, para atoparse con infinidade de obstáculos como maceteiros, bolardos, sinais e farolas mal situados; beirarrúas estreitas ou co pavimento en mal estado, con vaos que son impracticables.
Un longo etcétera que nos obriga a denunciar unha vez máis, a falta de planificación deste Goberno Municipal que se limita a xestionar sen perspectiva de futuro, e solucionando o día a día con parches sen ningún tipo de planificación. Unha falta de xestión e un desgoberno que obriga á oposición a presentar rogos en cada pleno para solucionar aspectos que teñen que ver coa accesibilidade, e obrigando tamén á veciñanza a ter que presentar no Concello escritos a título individual por cuestións que son de índole colectiva.
A pesar de que as entidades locais están obrigadas pola lei de accesibilidade do ano 2000 a adaptar de xeito gradual as vías públicas, parques e espazos públicos, así como as instalacións de servizos e mobiliario urbano… que leva feito o goberno de María Loureiro durante os últimos anos? Ou o que é máis importante, que pensa facer o actual goberno de cara a un Viveiro accesible e inclusivo? Cal é o plan? Se a veciñanza de Viveiro non temos acceso a dito plan, é doado de entender, non existe ningún plan. Ou non é accesible e falariamos dunha carencia máis.
A marca Viveiro Inclúe anunciaba a creación dunha plataforma cidadá de participación aberta e a creación dun equipo multidisciplinar para traballar pola accesibilidade. Por que non se puxo xa en marcha? Seguramente escoitaremos que é pola pandemia. Semella que esta é incompatible con todo, ata coa accesibilidade.
No BNG estamos comprometidos coa consecución dunha inclusión plena, tal como levamos no noso programa electoral. Por iso apostamos pola creación dun Plan de Accesibilidade Municipal que servirá como ferramenta de xestión. Un plan que non só servirá para ofrecer ás persoas con diversidade funcional os recursos para gozar dunha vida plena e en igualdade de oportunidades, senón que tamén beneficiará ás nosas persoas maiores, e en xeral, a toda a veciñanza. En definitiva: un plan que ofrecerá un Viveiro cómodo, moderno e inclusivo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
