Ribadeo, 7 de outubro de 2021. A Área de Desenvolvemento Local organiza a 18 Festa dxs Produtorxs da Horta que se celebrará o 10 de outubro e coa que rematarán por este ano os Mercados dos Domingos. Haberá esfollada do millo, prensada e elaboración de zume de mazá, música e tapiñas elaboradas con produtos da horta nos bares da contorna.
O concelleiro de Desenvolvemento Local, Pablo Vizoso, anunciou que “dende primeira hora deste domingo, 10 de outubro, van ter lugar as diferentes actividades programadas na contorna da praza de abastos para celebrar a festa dos produtores e das produtoras locais coa que se vai poñer punto e final, por este ano, ao Mercado dos Domingos”.
O edil ribadense relatou que “arredor das once e media dará comezo a esfollada do millo, un obradoiro de disfraces e bonecos tradicionais para os máis pequenos da casa e tamén para as familias. Xa ás doce está programada unha prensada e elaboración de zume de mazá e en torno á unha da tarde todos os asistentes poderán desfrutar dun evento musical da man do grupo de falapandereita Erikas e Peluxías. Ademais este domingo poderemos degustar das tapiñas e dos petiscos elaborados con produtos da horta nos locais de hostalería da contorna da praza de abastos”.
Vizoso Galdo dixo que “esta xornada pon o punto final ao Mercado dos Domingos deste ano, unha iniciativa promovida polo Concello de Ribadeo para apoiar e promover a alimentación saudable e de proximidade e que contou cunha enorme afluencia ao longo destes meses. Tamén quero lembrar que este ano creouse unha nova imaxe para o Mercado dos Domingos que se utilizou en toda a cartelería, nos manteis, en bolsas de telas para os clientes, mantelos, marcapáxinas e noutros elementos que se repartiron tanto entre as persoas participantes e vendedoras como visitantes e clientes”.
O concelleiro de Desenvolvemento Local subliñou que “o balance que podemos facer e que debemos facer deste ano do Mercado dos Domingos é totalmente positivo porque acadamos o obxectivo que se pretendía e que era achegar os produtos de proximidade aos consumidores facendo fincapé na súa importancia para a alimentación individual e tamén como motor do desenvolvemento económico da nosa vila”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
