Viveiro, 28 de setembro de 2021. A Concellería de Benestar Social informa de que o Concello de Viveiro acollerá este xoves 30 de setembro a Feira Comercio con Sentido dende as 12:00 ata as 18:00 unha obra de teatro o sábado 9 de outubro ás 19:00 para reflexionar sobre a orixe do que consume a cidadanía. Ambas actividades enmárcanse na campaña “Aquí e Acolá O Xusto” da ONG Solidariedade Internacional de Galicia.
O comercio xusto é un movemento social que promove as relacións comerciais máis igualitarias para paliar o empobrecemento dos países do Sur Global. Esta causa chega a Viveiro da man de Solidariedade Internacional de Galicia coa fin de seguir espallando a súa mensaxe: “promover unhas relacións comerciais máis xustas entre países respectando os dereitos humanos”.
No marco da campaña “Aquí e Acolá O Xusto”, realizarase en Viveiro a feira Comercio Con Sentido, de produtos de comercio xusto, que terá lugar na zona do mercado dos xardíns Noriega Varela este xoves, 30 de setembro, entre as 12:00 e as 18:00. Tamén desfrutarán desta feira catro grupos de alumnas e alumnos do IES María Sarmiento. Os grupos desfrutarán dunha visita guiada de 30 minutos entre as 12:00 e 14:00, coa fin de sensibilizar e aproximar á xuventude de Viveiro o labor que se está a realizar.
As persoas asistentes á feira Comercio Con Sentido poderán achegarse á realidade que existe detrás dalgúns dos alimentos que consumimos no noso día a día como o azucre, o cacao ou o café. A través desta actividade, Solidariedade Internacional de Galicia proporciona información sobre a súa orixe, produción, comercialización, características e variedades, así como dos problemas aos que os produtores e produtoras se enfrontan ata que esta mercancía chega as nosas mans. Ademais os/as asistentes tamén poderán degustar variedades de café, cacao e azucre.
Á semana seguinte, o sábado 9 de outubro, os veciños e veciñas de Viveiro poderán gozar e aprender coa obra de teatro “Vaia Tea!” que se realizará no teatro Pastor Diaz ás 19:00.
As entradas estarán dispoñibles a partir do 1 de outubro e poderán conseguirse chamando ao número de teléfono 982 560 162 ou ben enviando unha mensaxe ao correo rbg.cultura@viveiro.es
Por outra banda, a representación teatral “Vaia Tea!” da compañía Xucrut Teatre pretende achegar ao público a realidade que existe detrás do consumo de roupa a través do humor e a invitación á reflexión.
A campaña “Aquí e Acolá O Xusto”, financiada pola Xunta de Galicia e Cooperación Galega, coa colaboración do Fondo Galego de Cooperación, nace para sensibilizar á poboación sobre as desigualdades sociais que provoca o comercio internacional e achegar alternativas de consumo máis sostibles que respecten os dereitos humanos de todas.
A concelleira de Benestar Social, Victoria Baamonde Gómez, reitera o seu agradecemento ao Fondo Galego pola achega de proxectos sempre tan enriquecedores coma este para as veciñas e veciños de Viveiro.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
