Santiago de Compostela, 28 de setembro de 2021. “Hoxe comprobamos a finalización dunha actuación moi importante para os pacientes do Hospital da Mariña pero, tamén, para o Sergas en xeral e mesmo para o conxunto de Galicia”. Así o destacou o conselleiro de Sanidade, Julio García Comesaña, na súa visita a este centro da rede sanitaria pública galega. Trátase, -tal e como remarcou o conselleiro-, dunha obra de eficiencia enerxética coa que se mellorou toda a envolvente térmica do edificio, mediante a instalación dunha fachada ventilada de granito no andar inferior e de formigón polímero no resto dos andares. Así mesmo, instalouse illamento térmico tamén sobre as cubertas planas existentes, aproveitando para impermeabilizalas e renovar as baixantes das cubertas inclinadas. Xunto ao anterior, substituíronse as carpinterías exteriores antigas, con vidros de mellor comportamento térmico.
Toda esta obra permite ter un hospital moito máis sustentable, cun sistema de calefacción que pasa dun nivel F a un nivel A, que posibilita, -remarcou García Comesaña-, un aforro de enerxía primaria de 800 megavatios ao ano e unha diminución anual das emisións de 151 toneladas de CO2, “co que se gana un centro sanitario máis confortable para pacientes e profesionais e máis respectuoso co medio ambiente”. O conselleiro lembrou que estes días celébrase a Semana Global de Acción polos Obxectivos de Desenvolvemento Sustentable, “e a sanidade pública galega quere formar parte da consecución deses obxectivos”.
Na visita, o conselleiro estivo acompañado polo delegado territorial da Xunta, Javier Arias, e polo xerente da área sanitaria de Lugo, A Mariña e Monforte, Ramón Ares.
15 millóns de euros para a próxima fase
Tal e como destacou o responsable da sanidade pública galega, estas actuacións súmanse ás rematadas o ano pasado e que supuxeron a ampliación en máis de 9.500 metros cadrados deste hospital, tras un investimento de 13 millóns en obra e 2 millóns de euros en equipamento.
O conselleiro salientou que os investimentos neste hospital continuarán coa fase II e III, cuxo proxecto vén de seren adxudicado o mes pasado. Suporá unha reforma integral de 8.300 metros cadrados e a construción dun novo edificio. Proximamente, presentarase o proxecto e iniciarase o proceso para desenvolvelo e poder licitar a obra o vindeiro ano.
En consecuencia, 2022 será o ano do inicio dunha seguinte fase que suporá un novo investimento de 15 millóns de euros. Ademais, -proseguiu o conselleiro-, a Xunta seguirá tamén equipando o hospital, que este ano recibiu dous novos equipos radiocirúrxicos por valor de 180.000 euros, e que, en breve, disporá dun novo ecógrafo para o servizo de urxencias, froito da licitación que o Sergas efectuou no presente mes para renovar este equipamento nos hospitais comarcais.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
