Santiago de Compostela, 22 de Setembro 2021. A portavoz nacional, Ana Pontón, aproveitou a súa visita a Burela para referirse á situación de VESTAS e reclamar ao Goberno de Feixóo que evite o peche da empresa nunha comarca, a da Mariña, en pleno declive industria e con ALCOA no abismo con miles de postos de traballo en risco.
A líder nacionalista considera inaudito que se destrúa emprego no sector eólico en pleno boom depredador e formula unha proposta: que nos concursos públicos de novos parques se prime aqueles vinculados a un proxecto industrial e con creación de emprego.
“Non podemos consentir que se perda emprego no sector eólico nas poucas industrias que aínda quedan, por iso, ademais de pedirlle á Xunta que interveña para evitar o peche de VESTAS, propoñemos que os novos desenvolvementos eólicos deben usarse a favor de Galiza, por tanto, estar vinculados a plans industriais e que nos concursos puntúen máis aquelas empresas que aposten por producir aquí unha parte do proceso de instalación dos parques”, explicou.
Só se precisa “vontade política” que evitaría que empresas como VESTAS, como antes Siemens-Gamesa, abandonen o País, recalcou Pontón, insistindo en que os recursos de Galiza deben servir para xerar riqueza e emprego no País. “E iso pasa, entre outros factores, por unha tarifa eléctrica galega diferenciada e máis barata suprimindo os custes de distribución posto que somos produtores”, recalcou, desde o convencemento de que esta medida sería o mellor incentivo fiscal para as empresas e a instalación doutras novas.
De visita en Burela para abordar a situación da atención primaria, Pontón propuxo un Plan industrial para A Mariña, que conte con financiamento dos fondos europeos de recuperación económica, -Next Generation-, para frear a desertización industrial que supuxo a desaparición de empresas emblemáticas na comarca.
A líder do Bloque tamén abordou a situación da sanidade pública coa Plataforma en defensa da sanidade na Mariña, tras un encontro ante o centro de saúde de Burela. “Estamos diante do centro de saúde de Burela, pero poderíamos estar diante do centro de saúde de Foz, de Ribadeo ou de Viveiro, todos eles impactados polos recortes da Xunta”, destacou Pontón, que afectan particularmente á Atención Primaria.
“Por primeira vez na historia, os galegos e as galegas non teñen garantida a consulta presencial e faltan recursos, faltan médicos e persoal sanitario de todas as categorías, non se cobren as baixas, non se cobren as vacacións e os profesionais están esgotados, cansos e cansas de ter que multiplicarse e facer máis, cada vez con menos medios, e teñen todo o noso recoñecemento”, indicou.
Centros de saúde sen os medios necesarios
En centros de saúde como o de Burela o SERGAS suspendeu as consultas das tardes e bloqueou as citacións sen dar explicacións; no de Foz seguen os problemas co servizo de pediatría e seguen esperando polo servizo de matrona; en Ribadeo tamén faltan profesionais para a quenda de tarde e o de Vieiro leva moito tempo con problemas para cubrir as baixas.
Para reverter os recortes, o BNG propón un investimento urxente en Atención Primaria de 200 M€, “que entre outras cuestións permitiría contratar a todo o persoal sanitario que se precisan nos centros de saúde da Mariña”, alegou. Tamén recuperar as consultas presenciais sen listas de agarda para todas as persoas que o soliciten e contratar as prazas vacantes no SERGAS, “porque unha sanidade pública de calidade require profesionais, médicas, enfermeiros, administrativos, fisioterapia ou saúde mental”.
Igualmente, recuperar as xerencias en Atención Primaria con capacidade organizativa e, no caso da Mariña, recuperar a Area Sanitaria suprimida polo Goberno de Feixóo que tamén supón un deterioro de servizos no hospital comarcal. No encontro coa plataforma tamén participaron, entre outros, o deputado da comarca Daniel Castro, a responsable comarcal e alcaldesa de Barreiro, Ana Hermida.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
